चुडामणि शर्मासहित ३ जनाविरुद्ध १० अर्ब २ करोड भ्रष्टाचारको मुद्दा दायर
समयपोष्ट
२०७४ साउन १ गते ८:२१
अख्तियार दुरुपयोग अनुसन्धान आयोगले आन्तरिक राजश्व विभागका निलम्बित महानिर्देशक चुडामणि शर्मासहित ३ जनाविरुद्ध विशेष अदालतमा मुद्दा दायर गरेको छ ।
आइतबार आयोगले १० अर्ब २ करोड १९ लाख १ हजार ८२४ रुपैयाँ भ्रष्टाचार गरेको दाबीसहित चुडामणि शर्मा,कर फ्छ्र्यौट आयोगका अध्यक्ष लुम्बध्वज महत र सदस्य उमेश ढकालविरुद्ध मुद्दा दायर गरेको हो ।
कर फ्छ्र्यौट आयोगले बक्यौता कर छुट दिँदा सही नियतले काम गरेको नदेखिएको भन्दै अख्तियारले छुट दिएको रकम भ्रष्टाचार भएको ठहर गरेको छ ।
आयोगका अध्यक्ष लुम्बध्वज महत र सदस्य उमेश ढकाल हाल फरार छन् ।
प्रतिक्रिया