नेप्से २१.९९ अंकले घटेर १५४१.८२ विन्दुमा झर्यो
समयपोष्ट
२०७४ असार १८ गते ११:१७
आइतबार नेप्से २१.९९ अंकले ओरालो लागेर १५४१.८२ विन्दुमा पुगेको छ । आइतबार बजारमा कुल १४८ कम्पनीको ५६ करोड ७७ लाख रुपैयाँ बराबरको सेयर खरिद बिक्री भएको छ ।
आइतबार होटल र अन्य समुह बाहेक सबै समूहका परिसुचक घटेका छन् । बीमा समूह सबैभन्दा बढी १२९ अंकले घटेको छ भने विकास बैंक ३०, जलविद्युत समुह २५, वाणिज्य बैंक २२, उत्पादन २० र वित्त समूह ६ अंकले झरेका छन । अन्य समूह २.६१ अंकले बढेको छ भने होटल समूह सामान्य उकालो लागेको छ ।
आइतबार नेपाल लाइफ इन्स्योरेन्सको सबैभन्दा बढी ५ करोड बढीको सेयर किनबेच भएको छ । स्ट्याण्र्डड चार्टर्ड र हिमालयन जनरल इन्स्योरेन्सको पनि ३ करोड बढीको किनबेच भएको छ । घटेको बजारमा पोखरा फाइनान्सको सेयरमूल्य सबैभन्दा धेरै १० प्रतिशतले र हिमालयन जनरल इन्स्योरेन्सको ४ प्रतिशत बढीले सेयरमूल्य बढेको छ ।
प्रतिक्रिया