“दाबी भुक्तानी मार्गदर्शन, २०८१” जारी : शाखाबाटै दाबी भुक्तानी, दुई लाखसम्मको १५ दिनभित्रै गर्नुपर्ने
नेपाल बीमा प्राधिकरणले “दाबी भुक्तानी मार्गदर्शन, २०८१” जारी गरेको छ ।
प्राधिकरणले आइतबार जारी गरेको “दाबी भुक्तानी मार्गदर्शन, २०८१” अनुसार बिमा कम्पनीका प्रादेशिक, शाखा र उपशाखा कार्यालयबाट तोकिएको सीमासम्म दाबी भुक्तानी पाइने छ ।
मार्गदर्शनमा भनिएको छ,‘कम्पनीले दाबी भुक्तानीसम्बन्धी अधिकार आवश्यकताअनुसार प्रादेशिक, शाखा तथा उपशाखा कार्यालयलाई प्रत्यायोजन गर्नुपर्नेछ’। कति रकमसम्मको दाबी भुक्तानी प्रादेशिक, शाखा र उपशाखा कार्यालयबाट गराउने भने उल्लेख गरिएको छैन ।
मार्गदर्शन अनुसार बीमकले जीवन र निर्जीवन तर्फको २ लाख रुपैयाँसम्मको दाबी भुक्तानीलाई सानो दाबी मान्नु पर्नेछ । र, सो रकमसम्मको दाबी भुक्तानी कम्पनीले दाबीको विवरण पत्र पाएको १५ दिनभित्र गर्नुपर्ने छ ।
तर, कृषि, पशुपंक्षी तथा जरिबुटि बीमातर्फको भने ५० हजार रुपैयाँसम्मको दाबीलाई साने दाबी मान्नुपर्ने उल्लेख छ । अर्थात यस क्षेत्रको ५० हजार रुपैयाँसम्मको दाबी भुक्तानी १५ दिनभित्र गर्नुपर्ने मार्गदर्शनमा उल्लेख छ ।
बीमकले दाबी भुक्तानी कार्यविधि जारी गर्नुपर्ने छ । र, सो कार्यविधिमा साना दाबी रकम भुक्तानी सम्बन्धी व्यवस्था गर्नुपर्ने छ ।
सम्बन्धित सामाग्री
सम्पर्क
बागबजार,काठमाडौंफोन: ०१-५३४५३०४
ईमेल: samayapost@gmail.com
विज्ञापनको लागि: ९८४९०६५१२६, ९८५११२८४७०
सूचना विभाग दर्ता नंं: १९९/७३-७४
प्रतिक्रिया