शाहरुख विवाहित हुन् भन्ने थाहा पाएपछि बेस्सरी रोएकी थिईन् फातिमा

निर्देशक नितेश तिवारीको फिल्म ‘दंगल’ बाट डेब्यू गरेकी बलिउड नायिका फातिमा सना शेखले शाहरुख खान विवाहित हुन् भन्ने थाहा पाएपछि बेस्सरी रोएको बताएकी छिन् ।

फिल्मफेयरलाई दिएको अन्तरवार्तामा फातिमा सना शेखले फिल्म ‘वन टु का फोर’ को सुटिङबारे कुरा गर्दै भनिन्, ‘शाहरुख खानलाई थाहै थिएन कि पाँच वर्षकी बच्ची उनीसँग कति प्रेम गर्छिन् । जब मलाई उनी विवाहित हुन् भन्ने थाहा भयो तब मेरो मन असाध्यै टुटेको थियो र म बेस्सरी रोएकी थिएँ । मेरो लागि यो एउटा ब्रेकअपजस्तो थियो ।’

नायिका शेखले सन् २००१ मा रिलिज भएको फिल्म ‘वन टु का फोर’ मा शाहरुख खानसँग काम गरेकी थिइन् । यसअघि उनले ‘चाची ४२०’, ‘वन टु का फोर’ जस्ता फिल्ममा बाल कलाकारको रुपमा काम गरेकी थिइन् । यसबाहेक उनी निर्देशक विजय कृष्ण आचार्यको फिल्म ‘ठग्स अफ हिन्दुस्तान’ मा देखिएकी थिइन् ।

सम्बन्धित सामाग्री