रैराङ हाइड्रोपावरको आईपिओमा आवेदन दिनुभयो ? आज आवेदन दिने अन्तिम दिन
रैराङ हाइड्रोपावर डेभलपमेन्ट कम्पनीले निष्काशन गरेको साधारण सेयरमा आवेदन गर्ने विहीबार अन्तिम मिति हो । कम्पनीले गत जेठ २५ गतेदेखि
आयोजना प्रभावित पाँचथर र ताप्लेजुङका स्थानीयबासीका लागि एक सय रुपैयाँ अंकित दरको पाँच लाख ६० हजार कित्ता आइपीओ निष्काशन गरेको थियो ।
रैराङले निष्काशन गरेको पाँच लाख ६० हजार कित्ता साधारण सेयर मध्ये दुई लाख २४ हजार कित्ता सेयर आयोजनाबाट प्रत्यक्ष प्रभावित हुने पाँचथरको थर्पु र ताप्लेजुङको साब्लाखु गाविसका स्थानीयलाई छुट्याईएको छ भने तीन लाख ३६ हजार कित्ता सेयरमा भने पाँचथर र ताप्लेजुङका सबै सर्वसाधारणले आवेदन दिन पाउनेछन् ।
स्थानीय बासीन्दाले साधारण सेयरमा न्यूनतम ५० कित्तादेखि अधिकतम २८ सय कित्तासम्म आवेदन गर्न पाउने कम्पनीले जनाएको छ ।
एस क्यापिटल लिमिटेड कम्पनीको सेयर निष्काशन तथा बिक्री प्रबन्धक रहेको छ । कम्पनीको साधारण सेयरमा सिभिल बैंकको पाँचथरको साविक थर्पु गाविसको मेदिबुङ बजार र फिदिम शाखाबाट आवेदन गर्न सक्नेछन् ।
त्यस्तै माछापुच्छ्रे बैंकको फिदिम शाखा, एनआइसी एशिया बैंकको फिदिम शाखा, एनएमबि बैंकको फिदिम शाखा र ताप्लेजुङको फुङलिङ शाखाबाट समेत आवेदन गर्न सक्नेछन् ।
प्रतिक्रिया