कर्णाली राजमार्ग अवरुद्ध, सयौँ यात्रुहरू बाटोमै अलपत्र

Advertisement

लगातारको अविरल वर्षाका कारण कर्णाली राजमार्गको कालिकोट खण्ड पूर्ण रूपमा अवरुद्ध भएको छ। राजमार्गको विभिन्न स्थानमा पहिरो खस्दा यातायात सेवा ठप्प हुँदा सयौँ यात्रुहरू बाटोमै अलपत्र परेका छन्।

जिल्ला प्रहरी कार्यालय, कालिकोटका अनुसार आइतबार रातिदेखिको वर्षाले राजमार्गको दहीखोला देखि हुल्म बजारसम्मका विभिन्न ठाउँमा ढुङ्गा र पहिरो खसेको छ। यसले कालिकोट भित्रिने र बाहिरिने सवारी साधनहरू पूर्ण रूपमा रोकिएका छन्।

राजमार्ग अवरुद्ध भएको खबर प्राप्त हुनासाथ अस्थायी प्रहरी पोस्ट, हुल्मबाट प्रहरी सहायक निरीक्षक विनोद बुढाको नेतृत्वमा प्रहरी टोली घटनास्थलमा खटिएको छ। प्रहरी र स्थानीय बासिन्दाको सहयोगमा पहिरो हटाएर राजमार्ग सुचारु गर्ने प्रयास भइरहेको छ।

लगातार वर्षा र ठाउँ-ठाउँमा खसेको पहिरोका कारण सडक खुलाउन केही समय लाग्ने जिल्ला प्रहरी कार्यालयले जनाएको छ।

Advertisement

सम्बन्धित सामाग्री

विश्व समुदायलाई परराष्ट्रमन्त्रीको आह्वान : जलवायुजन्य जोखिम घटाउन बलियो सहकार्य आवश्यक छ

सर्पले टोकेर एक जनाको मृत्यु

डिशहोमको रमाइलो टिभीमा नेपाली भाषामा ‘रामायण’ प्रसारण हुने

‘सवै पक्षलाई स्वीकार्य हुने मौद्रिक नीति आउछ’

भन्सार विधेयकमाथि छलफल सकियाे

एसइईमा ४ जिपिए ल्याएकी गोमालाई पूर्ण छात्रवृत्ति दिने दुर्लभ थापाको घोषणा