एनएमबि बैंकको नेतृत्वमा माथिल्लो मैवा खोला जलविद्युत् आयोजनामा वित्तीय व्यवस्थापन

Advertisement

ताप्लेजुङको मैवाखोला र मेरिङदेन गाउँपालिकामा निर्माण हुन लागेको १७.८५ मेगावाट क्षमताको माथिल्लो मैवा खोला जलविद्युत् आयोजनामा एनएमबि बैंक लिमिटेडको नेतृत्वमा वित्तीय व्यवस्थापन गरिएको छ।

आयोजनाका लागि आवश्यक ऋण लगानीसम्बन्धी सम्झौता एनएमबि बैंक लिमिटेड र काङ हाइड्रोपावर कम्पनी लिमिटेडबीच सम्पन्न भएको हो। सम्झौताअनुसार एनएमबि बैंकले परियोजनामा सहुलियतपूर्ण कर्जा उपलब्ध गराउनेछ। बैंकको तर्फबाट चिफ सस्टेनेबल इनेर्जी बैंकिङ्ग प्रमुख दिनेश दुलाल र कम्पनीको तर्फबाट प्रबन्ध निर्देशक गणेश प्रसाद सुब्बाले सम्झौतामा हस्ताक्षर गरेका हुन्।

सम्झौता पश्चात आयोजना कार्यान्वयन, रणनीति तथा वातावरणीय पक्षबारे छलफल गरिएको थियो। सो अवसरमा एनएमबि बैंकका प्रमुख कार्यकारी अधिकृत गोविन्द घिमिरेले आयोजनालाई तोकिएको समयसीमा र लागतभित्र सम्पन्न गर्न सुझाव दिएका थिए। साथै, निर्माण अवधिमा प्राविधिक गुणस्तर, वातावरणीय जोखिम र प्रभावलाई विशेष ध्यान दिन आग्रह गरे।

कम्पनीका प्रबन्ध निर्देशक सुब्बाले बैंकप्रति आभार व्यक्त गर्दै आयोजना निर्धारित अवधिमा सम्पन्न गर्ने प्रतिबद्धता व्यक्त गरे।

Advertisement

सम्बन्धित सामाग्री

अन्तरजातीय विवाहले दियो यस्तो चोट

आज यी नदीमा पानीको सतह बढ्ने, सतर्कता अपनाउन आग्रह

यस्तो छ आजको सागसब्जी र फलफूलको थोक मूल्य

प्रधानमन्त्री ओली स्पेनको औपचारिक भ्रमणमा जाँदै, यस्तो छ नेपालसंगको सम्बन्ध

एक साताभित्र एसइई नतिजा सार्वजनिक हुने

एमालेले विधान महाधिवेशनमा तीन प्रस्ताव पेस गर्ने