रिलायन्स स्पिनिङको आईपीओ स्वीकृत, न्यूनतम ४१ हजार ४० रुपैयाँ चाहिने

धितोपत्र बोर्डले रिलायन्स स्पिनिङ मिल्सलाई बुक बिल्डिङ विधिबाट सर्वसाधारणलाई प्राथमिक सेयर (आईपीओ) निष्कासन गर्न अनुमति दिएको छ ।

बोर्डले कुल ११ लाख ५५ हजार ९६० कित्ता सेयर प्रतिइकाइ ८२० रुपैयाँ ८० पैसाका दरले निष्कासन गर्न कम्पनीलाई स्वीकृति दिएको हो । सर्वसाधारणका लागि कम्पनीले ९४ करोड ८८ लाख रुपैयाँभन्दा बढीको आईपीओ जारी गर्नेछ ।

बुक बिल्डिङ विधिबाट आउने आईपीओ कम्तीमा ५० कित्ता भर्नुपर्ने व्यवस्था छ । जसले गर्दा यस कम्पनीको आईपीओ प्रतिकित्ता ८२० रुपैयाँ ८० पैसाका दरले भर्नका लागि कम्तीमा ४१ हजार ४० रुपैयाँ चाहिन्छ । सो न्यूनतम रकम बैंक माैज्दात नभएमा भरेको आइपी‌ओ रद्द हुन जानेछ ।

संस्थागत लगानीकर्ताले नै माथिल्लो मूल्यसीमा प्रतिकित्ता ९१२ रुपैयाँका दरले आईपीओ किनेका छन् । जसले गर्दा सर्वसाधारणलाई त्यसको १० प्रतिशत कम अर्थात् प्रतिकित्ता ८२० रुपैयाँ ८० पैसा पर्ने भएको छ ।

सुनसरी जिल्लामा यस कम्पनीले धागो कारखाना सञ्चालन गर्दछ । सो धागो देशका विभिन्न कपडा उद्योगहरुलाई बिक्री गर्छ । कुल उत्पादनको करिब ६० प्रतिशत उत्पादन भारतमा खपत हुने गरेको कम्पनीले जनाएको छ । कम्पनीले केयर रेटिङ नेपालबाट ए माइनस रेटिङ पाएको छ ।

चालु आर्थिक वर्षको असोज मसान्तसम्म कम्पनीको प्रतिसेयर आम्दानी जम्मा ०.९६ रुपैयाँ मात्रै छ, जुन वास्तविकता हो । तर कम्पनीले चालु आर्थिक वर्षको अन्त्यसम्ममा प्रतिसेयर आम्दानी ३२ रुपैयाँ ९० पैसा रहने प्रक्षेपण गरेको छ ।

सम्बन्धित सामाग्री

आज साउनको पहिलो सोमबार, देशभरका शिवालयमा भक्तजनको भीड

खानेपानीमन्त्री यादवद्वारा राति छड्के अनुगमन तथा निरीक्षण

दुई दशकदेखि राजमार्गको पुलमुनि बास

आजका लागि विदेशी मुद्राको विनिमय दर

कर्णालीमा ५० ठाउँमा अझै तुइन

गोरखा दरबार सङ्ग्रहालय एक लाख २२ हजार पर्यटकद्वारा अवलोकन