साढे पाँच अर्बको विद्युतीय गाडी आयात, एक अर्ब ३६ करोड भन्सार शुल्क असुल
समयपोष्ट
२०७९ असार १२ गते ११:२३
चालु आर्थिक वर्षको ११ महिनामा सरकारले विद्युतीय गाडीहरु आयातबाट एक अर्ब ३६ करोड भन्सार शुल्क उठाएको छ ।
भन्सार विभागको तथ्यांक अनुसार चालु आवको ११ महिनाको अवधिमा ५ अर्ब ५१ करोड रुपैयाँ बराबरको १७ सय ४ वटा विद्युतीय कार, जिप र भ्यान आयात भएका छन्।
विद्युतीय गाडीहरु आयातमा पछिल्लो महिनाभन्दा यो महिना बढेको छ। जसमा पछिल्लो महिना ७८ वटा विद्युतीय कार, जिप र भ्यान आयात भएका थिए भने यो महिना त्यो संख्या बढेर १ सय ५३ वटा पुगेका छन्।
नेपालमा विद्युतीय गाडीहरु चीन र भारतबाट धेरै आयात भएका छन्। पछिल्लो ११ महिनामा चीनबाट ८ सय १० र भारतबाट ६ सय ८ वटा विद्युतीय गाडी आयात भएको छ।
यस्तै कोरियाबाट १ सय ८४ वटा गाडी आयात भएको तथ्यांक छ। अमेरिका, जापान र फ्रान्सबाट पनि इभी आयात भएका छन्।
प्रतिक्रिया