भुजुङ हाइड्रोले ३३ केभी प्रसारणलाइन निर्माण गर्ने
भुजुङ हाइड्रोपावर प्रालीले ३३ केभी प्रसारणलाइन निर्माण गर्ने भएको छ।
कम्पनीले माथिल्लो मिदिम जलविद्युत आयोजनाबाट उत्पादन हुने विद्युत राष्ट्रिय प्रणालीमा जोड्न ३३ केभी प्रसारणलाइन निर्माण गर्ने भएको हो । यो प्रसारणलाइन ३६.१३ किलोमिटर हुनेछ।
प्रसारणलाइन लमजुङको क्व्होलासोथार गाउँपालिका (साबिकको भुजुङ गाविस) ४ मा अवस्थित फिदिम जलविद्युत आयोजना (७.५ मेगावाट)को स्विचर्याडदेखि सोही जिल्लाको मध्य नेपाल नगरपालिका ६ मा अवस्थित नेपाल विद्युत प्राधिकरणको भोर्लेटार सवसस्टेशनसम्म निर्माण हुनेछ।
७.५ मेगावाट क्षमताको यो प्रसारणलाई सिंगल सर्किटको हुनेछ। आयोजना निर्माणका लागि १८.१५९ हेक्टर जमिन आवश्यक पर्छ। प्रसारणलाइनको क्षेत्राधिकार ६.६२ मिटर (मध्यविन्दुबाट ३.३१/३.३१ मिटर दायाँ/बायाँ) कायम गरिएको छ।
आयोजना आगामी मंसिर २९ गतेसम्म निर्माण पुरा गर्ने लक्ष्य छ।
प्रतिक्रिया