मिल सञ्चालन हुँदा स्थानीयलाई सहज

समयपोष्ट २०८२ जेठ १६ गते १२:४६

जुम्लाको तिला गाउँपालिका–६ मा रहेको घोडे गाउँमा कुटानी–पिसानी मिल सञ्चालनमा आएपछि स्थानीयलाई सहज भएको छ ।

कर्णाली प्रदेश सरकारको मुख्यमन्त्री रोजगार कार्यक्रमअन्तर्गत चालु आर्थिक वर्षको रु १५ लाखबाट सौर्य ऊर्जाबाट सञ्चालन हुने गरी गाउँमा पहिलोपटक मिल सञ्चालन भएको वडाध्यक्ष जङ्ग रोकायाले जानकारी दिनुभयो ।

विगतमा मिल नहुँदा यहाँका स्थानीयले कुटानी-पिसानीका लागि दुःख पाउने गरेका थिए । वडाध्यक्ष रोकायाले भन्नुभयो, “पीठोलगायत अन्य कुटानी–पिसानीका लागि दुई घण्टा हिँडेर जानुपर्ने बाध्यता थियो । हिउँदेयाममा चैत, वैशाख, जेठमा सुक्खा खडेरीका कारण खोला सुकेपछि घट्ट चल्न बन्द हुने गरेकाले छिमेकी गाउँ सुडी, रिपी र कालीकोट जिल्लाको रताड जानुपर्ने बाध्यता थियो । अब सो समस्या हटेको छ, गाउँमै कुटानी-पिसानी हुन थालेको छ ।”

मिल स्थापना भएपछि गहुँ मकैलगायत अरू अन्न कुटानी-पिसानीका लागि करिब तीन घण्टा हिँडेर घट्ट जानैपर्ने बाध्यता हाल अन्त्य भएको स्थानीयवासी दिनेश रोकायाले बताउनुभयो ।

प्रतिक्रिया

सम्बन्धित सामाग्री

सार्वजनिक सवारीसाधन नचल्दा आवतजावतमा कठिनाइ

काँक्रोको बीउ बिक्रीबाट करोडौं आम्दानी

सगरमाथाको सुन्दरता र सुरक्षा

डाइभर्सन मर्मतपछि कान्तिलोकपथ सडक सञ्चालनमा

पूर्वाधार विकासले सुगम बन्दै सोनारी क्षेत्र

बजेटमा मकवानपुरका योजना : औद्योगिक क्षेत्र, सिमेन्ट उद्योग, चिकित्सा शिक्षालगायत प्राथमिकतामा

ताजा