बरुण हाइड्रोपावरको विद्युत बिक्री आम्दानी ७ करोड २७ लाख

Advertisement

बरुण हाइड्रोपावर कम्पनी लिमिटेडले चालु आर्थिक वर्षको तेस्रो त्रैमाससम्मको अपरिष्कृत वित्तीय विवरण सार्वजनिक गरेको छ। विवरणअनुसार कम्पनीले यो अवधिमा ७ करोड २७ लाख रुपैयाँ विद्युत बिक्रीबाट आम्दानी गरेको छ। गत आर्थिक वर्षको सोही अवधिमा हेवा खोला साना जलविद्युत आयोजनामा बाढीले क्षति पुर्याएका कारण कुनै विद्युत बिक्री आम्दानी भएको थिएन।

विद्युत बिक्री आम्दानीमा भएको वृद्धिसँगै कम्पनीको खुद नाफा पनि धनात्मक बनेको छ। गत वर्ष चैत मसान्तसम्म ४ करोड ९२ लाख रुपैयाँ ऋणात्मक रहेको खुद नाफा, चालु वर्षको सोही अवधिमा ३५ लाख ७८ हजार रुपैयाँ धनात्मक भएको छ।

तेस्रो त्रैमासको अन्त्यसम्म कम्पनीको कुल नाफा ४ करोड ७४ लाख रुपैयाँ, गैर सञ्चालन आम्दानी १ करोड ५ लाख रुपैयाँ, सञ्चालन मुनाफा ५ करोड २ लाख रुपैयाँ र वित्तीय खर्च २ करोड २७ लाख रुपैयाँ रहेको छ।

कम्पनीको चुक्ता पूँजी ५३ करोड ५८ लाख १५ हजार रुपैयाँ छ। यस्तै, शेयर प्रिमियम ४ करोड ३७ लाख रुपैयाँ र रिटेन्ड अर्निङ्ग २ करोड ५३ लाख रुपैयाँ रहेको छ। चैत मसान्तसम्म कम्पनीको प्रतिशेयर आम्दानी ८९ पैसा र प्रतिशेयर नेटवर्थ ११२ रुपैयाँ ९० पैसा रहेको छ।

Advertisement

सम्बन्धित सामाग्री

जेन-जी युवाहरुको आक्रोशः घाइते र सहिदको रगतमा उभिएर बनेको सरकारले जेन-जीमाथि नै दमन गर्यो

जेनजी आन्दोलनको नाममा अनावश्यक धर्ना–प्रदर्शन नगर्न सरकारको आग्रह

उत्तर कोरिया एक प्रकारको आणविक शक्ति हो– ट्रम्प

सडकमा प्रदर्शन नगरौँ, सरकार संवादका लागि तयार छः गृहमन्त्री अर्याल

प्रधानमन्त्रीसँग गृहमन्त्रीसहित चारवटै सुरक्षा निकायका प्रमुखले गरे छलफल

माइतीघरमा प्रदर्शन गर्न पुगेका ५० जना जनेजी प्रहरी नियन्त्रणमा