नागरिक लगानी कोषको खुद नाफा १.८८% बढ्यो, ईपीएस भने घट्यो

नागरिक लगानी कोषले चालु आर्थिक वर्ष २०८१/८२ को तेस्रो त्रैमाससम्मको अपरिष्कृत वित्तीय विवरण प्रकाशित गरेको छ। विवरणअनुसार कम्पनीको खुद नाफा गत आर्थिक वर्षको सोही अवधिको तुलनामा १.८८ प्रतिशतले बढेको छ।

चालु आर्थिक वर्षको चैत मसान्तसम्म कम्पनीले ८९ करोड ९० लाख रुपैयाँ खुद नाफा कमाएको छ, जुन गत वर्षको सोही अवधिको ८८ करोड २४ लाख रुपैयाँको तुलनामा सामान्य वृद्धि हो।

समीक्षा अवधिमा कम्पनीको ब्याज आम्दानी ३२.०३ प्रतिशतले घटे पनि सेवा शुल्क तथा कमिशन आम्दानी १५.०६ प्रतिशतले बढेको छ। यस्तै, कुल आम्दानी ८.२३ प्रतिशत र कुल खर्च ३९.३६ प्रतिशतले वृद्धि भएको छ।

नाफामा वृद्धि भए पनि कम्पनीको प्रतिशेयर आम्दानी (ईपीएस) भने ३ रुपैयाँ ६५ पैसाले घटेर १८ रुपैयाँ ४९ पैसामा झरेको छ। चैत मसान्तसम्म कम्पनीको प्रतिशेयर नेटवर्थ १४७ रुपैयाँ ४५ पैसा र मूल्य आम्दानी अनुपात १०५.१४ गुणा रहेको छ।

६ अर्ब ४८ करोड १७ लाख रुपैयाँ चुक्ता पूँजी रहेको कम्पनीको जगेडा कोषमा ३ खर्ब ७२ करोड रुपैयाँ सञ्चित छ।

सम्बन्धित सामाग्री

शिक्षामन्त्री र इजरायली राजदूतबीच ‘इजरायल इन्टर्नसीप कार्यक्रम’ पुनःसञ्चालनबारे छलफल

न्याय सम्पादनलाई चुस्त बनाउन सहयोग गर्नु नै हाम्रो प्रयास रहनेछ–महान्यायाधिवक्ता

पर्यटन बोर्डको १.६ अर्ब बजेट स्वीकृत, ७० प्रतिशत अन्तरराष्ट्रिय प्रवर्द्धनमा खर्च गर्ने

सरकारको आय-व्ययः बजेट खर्च १५ खर्ब २३ अर्ब, आम्दानी १२ खर्ब १९ अर्ब

काश्मीर हमलाका लागि जिम्मेवार समूहलाई अमेरिकाद्वारा आतङ्कवादी घोषणा

अमेरिकी कंग्रेसद्वारा ट्रम्पको ९ अर्ब डलर विदेशी सहायता कटौती अनुमोदित