१४ जीवन बीमा कम्पनीहरुले बैशाखसम्म गरे १ खर्ब २१ अर्ब ३५ करोडको व्यापार, कुन कम्पनीको कति ?

Advertisement

चालु आवको बैशाख महिनासम्ममा १४ जीवन बीमा कम्पनीहरुले १ खर्ब २१ अर्ब ३५ करोड ९५ लाख रुपैयाँ बीमा शुल्क संकलन गरेका छन् ।

नेपाल बीमा प्राधिकरणले सार्वजनिक गरेको तथ्यांक अनुसार बैशाख महिनासम्म सबैभन्दा बढी बीमा शुल्क संकलन गर्नेमा नेपाल लाइफ इन्स्योरेन्स रहेको छ ।

नेपाल लाइफले बैशाख महिनासम्म ३२ अर्ब ३८ करोड १६ लाख रुपैयाँ बीमा शुल्क संकलन गरेकाे छ । त्यस्तै दास्रोमा नेसनल लाइफले १४ अर्ब ३३ करोड १४ लाख रुपैयाँ बीमा शुल्क संकलन गरेकाे छ ।

तेस्रोमा भने लाइफ इन्स्योरेन्स कर्पोरेसन परेको छ । कम्पनीले १४ अर्ब २३ करोड ५९ लाख रुपैयाँ बीमा शुल्क संकलन गरेकाे छ । बैशाखसम्म सबैभन्दा कम बीमा शुल्क संकलन गर्नेमा सन नेपाल लाइफ इन्स्योरेन्स रहेकाे छ । कम्पनीले ३ अर्ब ८ करोड ६९ लाख रुपैयाँ बीमा शुल्क संकलन गरेकाे छ । कुल बीमा संकलनमा सबैभन्दा धेरै वृद्धिदर प्रभु महालक्ष्मी इन्स्योरेन्सको देखिएको छ भने राष्ट्रिय जीवन बीमा कम्पनीको वृद्धिदर सबैभन्दा कम देखिएको छ ।

Advertisement

पहिलो बीमा प्रिमियम संकलनमा पनि बैशाख महिनासम्ममा नेपाल लाइफ नै अगाडि देखिएको छ । नेपाल लाइफले बैशाख महिनासम्म प्रथम प्रिमियमबापत् ५ अर्ब ४२ करोड ११ लाख रुपैयाँ संकलन गरेको छ । नेसनल लाइफ इन्स्योरेन्स प्रथम प्रिमियम संकलनमा दोस्रो, हिमालयन लाइफ तेस्रो, सूर्य ज्योति लाइफ चौथा तथा लाइफ इन्स्योरेन्स कर्पोरेसन पाँचौमा परेका छन् ।

चैत्र महिनाको तुलनामा नयाँ व्यवसायमा विस्तारमा भने नेसनल लाइफ इन्स्योरेन्स अगाडि देखिएको छ भने दोस्रोमा प्रभु महालक्ष्मी लाइफ तथा तेस्रो रिलायवल नेपाल लाइफ इन्स्योरेन्स देखिएको छ । चौथोमा सूर्य ज्योति लाइफ इन्स्योरेन्स र पाँचौमा आइएमई लाइफले चैत्र महिनाको तुलनामा धेरै व्यवसाय विस्तार गरेका छन् ।

सम्बन्धित सामाग्री

आज छठ पर्वको मुख्य दिन : अस्ताउँदो सूर्यलाई विधिपूर्वक अघ्र्य दिइँदै

जेनजी आन्दोलनको जाँचबुझ आयोगको सचिवालयमा नेतृत्व परिवर्तन

विभिन्न जिल्लाका प्रजिअसहित ३६ जना सहसचिवको सरुवा

नेपाल अमेरिकासँग पराजित

जलवायुका कारण उच्च जोखिममा सगरमाथा हिमक्षेत्र

मुस्ताङमा थामिसक्नु छैन पर्यटकको चाप