सवारी लाइसेन्सको नयाँ आवेदन आजबाट
समयपोष्ट
२०७९ जेठ १६ गते ११:४७
यातायात व्यवस्था विभागले सवारी चालक अनुमति पत्र (लाइसेन्स) को नयाँ आवेदन प्रणाली आज साँझदेखि सुरू गर्ने भएको छ ।
विभागले एक सूचना जारी गर्दै आज साँझ ६ बजेदेखि सवारी चालक अनुमति पत्रको नयाँ अनलाइन आवेदन प्रणाली सुरू गर्न लागिएको जनाएको छ ।
नयाँ लाइसेन्स तथा वर्ग थपका लागि हालसम्म परेका अनलाइन आवेदनहरू भने आजैदेखि रद्द गरिने सूचनामा जनाइएको छ ।
विभागका अनुसार वर्ग थप गराउन चाहने सेवाग्राहीका लागि भने अर्को हप्ताको सोमबारबाट आवेदन खोलिने छ ।
प्रतिक्रिया