७०.९९ प्रतिशतले बढ्यो ज्योति लाइफको खुद नाफा

ज्योति लाइफ इन्स्योरेन्सले चालु आर्थिक वर्षको तेस्रो त्रैमाससम्ममा २ अर्ब ४९ करोड ३८ लाख रुपैयाँ खुद बीमाशुल्क आर्जन गरेको छ ।

यो गत आर्थिक वर्षको यही अवधिको तुलनामा १२.७९ प्रतिशतले बढी हो ।

गत आर्थिक वर्षको चैत मसान्तसम्ममा कम्पनीले २ अर्ब २१ करोड ९ लाख रुपैयाँ खुद बीमाशुल्क आर्जन गरेको थियो ।

कम्पनीको खुद बीमाशुल्कसँगै खुद नाफा पनि ७०.९९ प्रतिशतले बढेर २० करोड ६५ लाख रुपैयाँ पुगेको छ । गत आर्थिक वर्षको यहि अवधिमा कम्पनीले १२ करोड ७ लाख रुपैयाँ खुद नाफा आर्जन गरेको थियो ।

कम्पनीले यस अवधिमा लगानी कर्जा तथा अन्य आयबाट ३३ करोड ३ लाख रुपैयाँ र बीमालेख धितोमा ७१ करोड ८७ लाख रुपैयाँ लगानी गरी २ करोड ६७ लाख रुपैयाँ आम्दानी गरेको छ ।

चुक्ता पूँजी २ अर्ब ४२ करोड रुपैयाँ रहेको कम्पनीको जगेडा कोषमा ५६ करोड ६८ लाख रुपैयाँ, जीवन बीमा कोषमा ५ अर्ब ६६ करोड १८ लाख रुपैयाँ र महाविपत्ती कोषमा ८ करोड ८७ लाख रुपैयाँ सञ्चित रहेको छ ।

चालु आर्थिक वर्षको तेस्रो त्रैमाससम्ममा कम्पनीको प्रतिशेयर आम्दानी ११ रुपैयाँ ३८ पैसा, प्रतिशेयर नेटवर्थ १२७ रुपैयाँ ९ पैसा र मूल्य आम्दानी अनुपात ५१.६७ गुणा रहेको छ।

यस अवधिमा कम्पनीले २ अर्ब ६३ करोड ४५ लाख रुपैयाँ कुल बीमाशुल्क संकलन गरेको छ ।

कम्पनीले ९३३ वटा दाबी बापत २६ करोड ४६ लाख रुपैयाँ भुक्तानी गरेको छ भने ९९ वटा दाबी बापत ४ करोड ८५ लाख रुपैयाँ भुक्तानी गर्न बाँकी छ।

सम्बन्धित सामाग्री