एस डेभलपमेण्ट बैंक ईन्भेष्टमेण्ट बैंकमा विलय हुने पक्का

नेपाल इन्भेष्टमेण्ट बैंकमा एस डेभलपमेण्ट बैंक विलय हुने भएको छ । शुक्रबार  राजधानीमा विशेष साधारण सभा आह्वान गरी इन्भेष्टमेण्ट र एसले विलय प्रस्ताव पारित गराएका हुन् । 

नेपाल इन्भेष्टमेण्ट बैंकले राजधानीको कालिकास्थानमा विशेष सधारण सभाको सम्पन्न गर्दै विलय प्रकृयालाई अनुमोदन गर्यो भने  एस डेभलपमेण्ट बैंकले  लाजिम्पाट स्थित विशेष साधारण सभा आयोजना गरी विलय प्रकृयालाई अनुमोदन गरेको हो ।

 अब नेपाल राष्ट्र बैंकमा अन्तिम स्वीकृतिका लागि आवेदन दिएर दुवै बैंकले केही महिनामा एकीकृत कारोबार सुरु गर्ने छन् ।

एक अर्ब २० करोड चुक्ता पूँजी भएको एसलाई ४१ प्रतिशत स्वापमा विलय गरे पछि ईन्भेष्टमेण्ट बैंकको चुक्ता पूँजी नौ अर्ब २० करोड रुपैंया हाराहारी पुग्नेछ । चालु आर्थिक वर्षको अन्त्यसम्ममा विलय प्रकृया पुरा गरी एकीकृत कारोबार सुरु गर्ने लक्ष्य लिइएको छ ।

 

सम्बन्धित सामाग्री