अप्पर अरुणमा विश्व बैंकले साढे ८०० मिलियन डलर बराबर लगानी गर्ने
समयपोष्ट
२०८१ वैशाख ८ गते १९:१५
विश्व बैंक अप्पर अरुणको १ हजार ६५ मेगावाट विद्युत उत्पादन गर्न साढे ८०० मिलियन डलर बराबरको लगानी गर्न सहमत भएको छ ।
अन्तर्राष्ट्रिय मुद्रा कोषको वसन्तकालीन बैठक सकेर शनिबार स्वदेश फर्किएका अर्थमन्त्री वर्षमान पुनले विमानस्थलमा सञ्चारकर्मीहरुसँग कुरा गर्दै सो बारे जानकारी दिएका हुन् । अर्थमन्त्री पुनले सञ्चारकर्मीहरुसँग कुरा गर्दै
अप्पर अरुणको १ हजार ६५ मेगावाट विद्युत उत्पादन गर्न विश्व बैंकले साढे ८०० मिलियन डलर बराबरको लगानी गर्ने सहमति भएको बताए ।
अर्थमन्त्री पुनले सस्तो ब्याजको ऋण दिने र विश्व बैंकले वित्तीय व्यवस्थापन गर्ने सहमति भएको बताए ।
उनले ६३५ मेगावाटको दूधकोशीमा एसियाली विकास बैंक (एडीबी)ले नेतृत्व गर्ने तर विश्व बैंकले पनि लगानी गर्ने बताए ।
प्रतिक्रिया