कर्मचारीको विदेश भ्रमणमा कडाइ गर्ने सरकारको तयारी
समयपोष्ट
२०७४ चैत २० गते १५:२९
कर्मचारीको विदेश भ्रमणमा सरकारले कार्यविधि नै बनाएर विदेश भ्रमणमा कडाइ गर्ने तयारी गरेको छ ।
एउटै कर्मचारी धेरै पटक विदेश जानेदेखि बजेट सकाउन अध्ययन भ्रमण हुने क्रम बढेपछि सरकारले विदेश भ्रमणमा कडाइ गर्ने तयारी गरेको हो ।
प्रधानमन्त्री केपी शर्मा ओलीले विदेश भ्रमणका नाममा विकृति देखिन थालेपछि कडाइ गर्न निर्देशन दिएका छन् ।
अहिले प्रधानमन्त्री तथा मन्त्रिपरिषद्को कार्यालयले विदेश भ्रमण सम्वन्धी कार्यविधि ल्याउने तयारी अघि बढाएको छ ।
त्यसका लागि प्रधानमन्त्री कार्यालयकै सचिव प्रेमकुमार राईको संयोजकत्वमा समिति गठन गरिएको छ ।
समितिले दिएको सुझाव प्रतिवेदनका आधारमा कार्यविधि बनाइनेछ ।
प्रतिक्रिया