शनिबार, ५ जेठ २०८१

५५ बर्षकि भईन् ‘रामायण’ मा ‘सीता’ को भूमिका निभाउने दीपिका, जहाँ जान्थिन् खुट्टा ढोग्न पुग्थे मानिस

समयपोष्ट २०७७ वैशाख १७ गते १२:११

Advertisement

 

‘रामायण’ मा ‘सीता’ को भूमिका निभाउने दीपिका चिखलिया ५५ औं जन्मदिन मनाउँदैछिन् ।

दीपिकाको जन्म २९ अप्रिल सन् १९६५ मा मुम्बईमा भएको थियो । रामायण दुरदर्शन च्यानलमा पुनः प्रसारण गरिएपछि दीपिका आजकाल चर्चामा छिन् ।

भारतमा लकडाउनका कारण पुनः प्रशारणमा आएको रामायणलाई धेरैले रुचाएका छन् । ट्वीटरमा ‘रामायण’ का सबै पुराना कलाकारको मज्जाले चर्चा भइरहेको छ ।

Advertisement

सन् १९८७–८८ मा टिभीमा रामानन्द सागरले बनाएको सिरियल ‘रामायण’ हरेक आइतबार प्रशारण हुन्थ्यो ।

आइतबार बिहान मानिसहरु आफ्नो सबै काम छोडेर यो सिरियल हेर्न बन्थे । मिडिया रिपोर्टलाई विश्वास गर्ने हो भने सिरियलका मुख्य कलाकारले यति चर्चा पाए कि मूर्तीकारले भगवान राम–सीताको मूर्तिमा उनीहरुको अनुहार कोर्थे । दीपिकालाई धेरैले अनस्क्रिन माता सीता पनि भन्थे र उनी जहाँ जान्थिन् कति उनको खुट्टासमेत ढोग्न अघि सर्दथे ।

एक अन्तर्वार्तामा दीपिकाले भनिन्, ‘सीताको भूमिकाका लागि छानिनु त्यति सहज थिएन । करिब ३०–३५ युवती सीताको भूमिकाका लागि स्क्रिन टेस्ट दिन आएका थिए । सीताको भूमिकाका लागि आएका अभिनेत्रीहरु निकै सुन्दर, ट्यालेन्टेड र ग्ल्यामरस थिए । तर मलाई छानियो । सायद म रामायणको सीताको छवी अनुकूल थिएँ । निर्देशक रामानन्द सागर यस्ता कलाकार चाहन्थे जो भूमिकामा समाहित होस् ।’एजेन्सी

 

 

प्रतिक्रिया

सम्बन्धित सामाग्री