सम्पत्तीमा अन्य बलिउड कलाकार भन्दा कम छैनन् हेमा
हेमा मालिनी युपीबाट लोकसभा चुनावका लागि मथुराबाट बिजेपीकी उम्मेद्वार बनेकी छिन् ।
अभिनयबाट राजनीतिमा प्रवेश गरेकी हेमा मथुराबाटै सांसद भएकी हुन् । उम्मेद्वारी दर्ता गर्दा उनले आफ्नो सम्पत्ति १०१ करोड भारु लेखेकी छिन् ।
शपथपत्रका अनुसार पछिल्लो पाँच वर्षमा उनको सम्पत्ति ३४ करोड भारु बढेको छ । हेमाको स्वअर्जित सम्पत्तीको कूल मूल्य एक अर्ब एक करोड, ११ लाख, ९५ हजार तीन सय भारु हो ।
जबकी उनको बैंक खातामा जम्मा, नगद र गरगहना १३ करोड २२ लाख ९६ हजार ९४५ भारुको छ । सन् २०१४ मा हेमाको सम्पत्ति ६६ करोड भारु थियो ।
शपथ पत्रका अनुसार उनका जीवनसाथी धमेन्द्र सिंह देओलको सम्पत्ति पछिल्लो पाँच वर्षमा भारु १२.३० करोडको वृद्धि भएको छ ।
शपथपत्रका अनुसार आयकर विभागलाई बुझाएको रकम अनुसार हेमा मालिनी र धर्मेन्द्रको संयुक्त सम्पत्ति पछिल्लो पाँच वर्षमा हरेक वर्ष १० करोड भारुले वृद्धि भइरहेको छ ।
पछिल्लो पाँच वर्षमा उनीहरुले ९.८७ करोड भारु सम्पत्ति आर्जन गरेका छन् जबकी यो क्रममा उनका श्रीमान् धर्मेन्द्रले ९.३७ करोड भारुको सम्पत्ति आर्जन गरेका छन् ।एजेन्सी
प्रतिक्रिया