बैशाख २८ गते एम के डब्लु वेल्ट एण्ड रोड च्याम्पियनसिप हुने, डिस मिडिया नेटवकबाट प्रत्यक्ष प्रसारण

डिस मिडिया नेटवर्क लिमिटेडले एक्सन स्पोर्टसबाट एम के डब्लु वेल्ट एण्ड रोड च्याम्पियनसिपको प्रत्यक्ष प्रसारण गर्ने भएको छ । आउँदो बैशाख २८ गते नेपाल रिङ रेस्लिङ संघले त्रिपुरेश्वरस्थित कर्भडहलमा आयोजना गर्न लागेका उक्त च्याम्पियनसिपको मिडिया पार्टनर समेत रहेको डिस मिडिया नेटवकले प्रत्यक्ष प्रसारण गर्ने भएको हो ।

नेपाल र चीनबीचको मित्रतालाई उत्सवका रुपमा मनाउने क्रममा उक्त च्याम्पियनसिपको आयोजना गर्न लागिएको शुक्रबार पत्रकार सम्मेलन मार्फत जानकारी दिइएको छ ।

वान वेल्ट वान रोड चीनद्वारा प्रायोजित एक योजना हो । जसमा पुरानो सिल्क रोडको आधारमा एसिया, अफ्रिका र युरोपका देशका सडक र रेलमार्गसँग जोडिने छन् । यो योजनाले समकालीन अन्तर्राष्ट्रिय सम्बन्ध विस्तारमा योगदान दिने देखिएकाले अभियानकै नाममा प्रतियोगिता आयोजना गर्न लागिएको पत्रकार सम्मेलनमा जानकारी दिइयो ।

नेपालले विआरआइको माध्यमबाट नेपाल चीनको सम्बन्धलाई अझ घनिष्ट बनाउने विश्वास लिएको छ ।
यो प्रतियोगिताले खेलकुदको माध्यमबाट समेत चीन र नेपालको सम्बन्धलाई बलियो बनाउन केहि योगदान दिने संघको विश्वास छ ।

३ बजेबाट सुरु हुने उक्त प्रतियोगितामा ६ देशका टप रेस्लरहरुको सहभागीता रहने छ । राष्ट्रिय खेलकुद परिषद्को विशेष सहयोग र एकेडब्लु चीनको समन्वयनमा हुन लागेको यो प्रतियोगितामा नेपाल, चीन, अमेरिका, इग्ल्यान्ड, हङकङ, न्यूजिल्यान्डका खेलाडीहरुको सहभागीता रहने छ ।

प्रतियोगितामा नेपालका चर्चित रेस्लर नुवाकोट टाइगर, ठाकुर, डेभिड, एक्स हिरो, साइन, चट्टान, दिलाशाले प्रतिस्पर्धा गर्ने छन् । त्यसैगरि अमेरिकाका एस सिल्भा, जेडा, जोम्बिइ ड्रागन र अंकल मनि छन् भने युकेका विग सामको सहभागीता रहने छ । चीनका बेम्बो क्रुसर, दा बाइ, ब्ल्याक माम्बाको सहभागिता रहने छ भने हङकङका के सी, चियरम्यान एएल, मिचेल सुले पनि रहभागिता जनाउने छन ्। न्यूजिल्यान्डका टोमी कम्ब्याटका पनि सहभागिता हुने छ । रेफ्रीमा प्रदिप पाण्डे, कुवरे केसी, विकाश खड्का रहने संघले जनाएको छ।

प्रतियोगितामा दुईवटा वेल्ट विजेता घोषणा गरिने छ । जसमा वेल्ट एण्ड रोड च्याम्पियन र वल्र्ड च्याम्पियनको वेल्ट प्रदान गरिन ेछ । प्रतियोगितामा एकल, ट्याग टिम, टु भर्सेस टु, वे कर्नर, रोपन एन्ड कर्नरका प्रतिस्पर्धाहरु गराइने छन् ।

प्रतियोगिता आयोजना गर्नका लागि ४५ लाख बजेट लाग्ने अनुमान गरिएको छ । यस अघि पनि संघले अन्तर्राष्ट्रिय प्रतियोगिताहरु आयोजना गरिसकेको छ ।

सम्बन्धित सामाग्री