शिवम् सिमेन्टको ४३ ग्रेडका सिमेन्ट बजारमा, नेपालकै पहिलो र एकमात्र ब्राण्ड बन्न सफल
नेपालको एक अग्रणी सिमेन्ट उत्पादक कम्पनी शिवम् सिमेन्ट लिमिटेडले ४३ ग्रेडका सिमेन्ट बजारमा ल्याएको छ ।
यससंगै शिवम् सिमेन्ट ४३ ग्रेड ओ.पि.सी. सिमेन्ट उत्पादन गर्ने नेपालकै पहिलो र एकमात्र ब्राण्ड बन्न सफल भएको छ ।
हालै गुणस्तर तथा नापतौल विभागले एनएस–५७२ प्रमाणीकरण गरी शिवम् लाई ४३ ग्रेडको सिमेन्ट उत्पादन गर्न अनुमति दिएको छ । यस सिमेण्ट, सिमेन्ट जगतमै पहिलो पटक एनएस क्वालिटी अवार्ड प्राप्त गर्न सफल समेत भैसकेको छ ।
‘अब हालसम्म उत्पादित सिमेन्ट मध्ये शिवम् मात्रै यस्तो ब्राण्ड हो जुन एनएस–५७२ प्रमाणीकरण भै ४३ ग्रेडको सिमेन्ट उत्पादन तथा बिक्री वितरण गर्न योग्य छ’, कम्पनीले जारी गरेको विज्ञप्तिमा भनिएको छ ।
यसअघि नेपाल गुणस्तर तथा नापतौल विभागले एनएस–४९ प्रमाणीकरण गर्दै आईरहेको थियो । जस अन्तर्गत उत्पादित सिमेन्टहरु कुनै पनि ग्रेड उल्लेख नगरी बजारमा उपलव्ध थिए । नेपालमा एन. एस. ४९ को मापदण्ड अनुरुप उत्पादन तथा बिक्री वितरणको मान्यता दिदै आएको गुणस्तर तथा नापतौल विभागले सिमेन्टको उच्च गुणस्तरको सुनिश्चितता गर्ने उद्देश्यले एनएस–५७२ को अवधारणा सहित ग्रेडिङ सिस्टमबाट सिमेन्टको गुणस्तर मापन कार्य अगाडि बढाएको हो ।
प्रतिक्रिया