दीपिकाले रणबीर कपुरसंगको सम्बन्ध बारे भनिन्- मेरो लागि सेक्सको मतलब शारीरिक रुपमा मात्रै नजिकिनु थिएन, भावनात्मक रुपमा जोडिनु थियो, तेराे बेवकुफी त्यहीँ भयो

 

बलिउड अभिनेता रणवीर सिंहसँग विवाहभन्दा पहिले दीपिका पादुकोण रणबीर कपूरसँग प्रेमसम्बन्धमा थिइन् । जुन सम्बन्धमा उनलाई धोका भयो । प्रेममा धोका पाएपछि दीपिका डिप्रेशनको शिकार भइन् । उनले यसअघि पनि पटक–पटक प्रेमसम्बन्ध र धोका अनि डिप्रेशनको विषयमा कुरा गरिसकेकी छन् ।

उनले फेरि त्यही विषयमा केन्द्रीत भएर एउटा अन्तरवार्ता दिएकी छिन् । उनले रणबीरले बारम्बार धोका दिएको र माफी माग्दै सम्बन्ध बचाएको उल्लेख गरिन् । उनले माफी दिएकोमा अफसोस मान्दै भनिन्, ‘मेरो लागि सेक्सको मतलब शारीरिक रुपमा मात्रै नजिकिनु थिएन, भावनात्मक रुपमा पनि जोडिनु थियो । म जुन सम्बन्धमा रहेँ कहिल्यै धोका दिइन ।’

उनले अगाडि भनिन्, ‘म यदि कसैलाई धोका दिन्छु वा चिट गर्छु भने त्यस्तो सम्बन्धमा किन रहुँ ? यो भन्दा राम्रो त एक्लै बस्ने र मोजमस्ती गर्ने । तर सबैजना यस्ता हुँदैनन् । त्यसैले मैले पहिले निकै दुख भोग्नुपर्यो । म यति धेरै बेहकुफ थिए कि मैले उसलाई दोस्रोपटक पनि मौका दिए । मैले उसलाई रंगेहात भेट्टाएको थिए । उसले मसँग सम्बन्धको लागि भिख मागेपछि फेरि माफी दिएँ । त्यो नै मेरो बेवकुफी थियो ।’

‘मलाई यो सबैबाट बाहिर आउन लामो समय लाग्यो । तर अब म यो सबै कुराबाट बाहिर आइसकेँ ।’

‘मैले आफ्नो सम्बन्धमा धेरै कुरा दिए । तर मलाई बदलामा केही पनि प्राप्त भएन । धोका पाएँ । सम्बन्धमा धोका पाएपछि इज्जत पनि गयो । एजेन्सी

सम्बन्धित सामाग्री