मिथुन चक्रवर्तीलाई मस्तिष्काघात

भारतीय अभिनेता मिथुन चक्रवर्तीलाई मस्तिष्काघात भएको छ । हाल उनलाई कोलकाताको एपोलो अस्पतालमा भर्ना गरिएको छ ।

७३ वर्षीय चक्रवर्तीलाई छातीको दुखाइका कारण शनिबार बिहान ९ः४० बजे अस्पताल पुर्‍याइएको थियो । अस्पताल लैजाँदा उनी राम्रोसित बोल्न सकेका थिएनन् भने दायाँ हात पनि राम्ररी चलिरहेको थिएन ।

अस्पतालले उनलाई आईसीयूमा राखेर मस्तिष्कको एमआरआईलगायत परीक्षण गरेको छ । आज एपोलो अस्पतालले आधिकारिक विज्ञप्ति जारी गर्दै चक्रवर्तीको बारेमा जानकारी दिएको हो । विज्ञप्तिअनुसार उनको स्वास्थ्य अवस्था स्थिर छ ।

‘उहाँ अहिले होसमा हुनुहुन्छ र नरम खानेकुरा खानुभएको छ’, विज्ञप्तिमा भनिएको छ । चक्रवर्तीलाई विशेषज्ञ डाक्टरहरुको टीमले थप निगरानी गरिरहेको विज्ञप्तिमा जनाइएको छ ।एजेन्सी

सम्बन्धित सामाग्री