संसद भवन अगाडी आत्मदाह गरेका प्रेमप्रसादको परिवारलाई सन नेपाल लाइफ इन्स्योरेन्सद्धारा मृत्यु दावी भुक्तानी

सन नेपाल लाइफ इन्स्योरेन्स कम्पनीले संसद भवन अगाडी आत्मदाह गरेका प्रेम प्रसाद आचार्यको परिवारलाई ५० लाख १२ हजार १९४ रुपैयाँ मृत्यु दावी भुक्तानी गरेको छ ।

कम्पनीमा जीवन बीमा गराएका उनको दावी भुक्तानी दिनुपर्ने बीमा पोलिसीको शर्त बमोजिम बीमा दावी रकम भुक्तानी गरिएको कम्पनीले जनाएको छ ।

कम्पनीले ५० लाख बीमा बापतको रकम र १२ हजार १९४ रुपैयाँ बोनस समेत थप गरी मृतककी श्रीमती नानुका अधिकारीको नाममा चेकमार्फत दाबी भुक्तानी गरेको सन लाइफका प्रमुख कार्यकारी अधिकृत राजकुमार अर्यालले बताए ।

आचार्यले २०७७ मंसिर २ गते कम्पनी मार्फत ५० लाख रुपैयाँको धनञ्जय बीमा पोलिसी खरिद गरेका थिए ।

सम्बन्धित सामाग्री