विप्लव नेतृत्वको नेपाल कम्युनिष्ट पार्टीका ३५ भन्दा बढी नेता कार्यकर्ता यसरी पक्राउ परे
नेत्रविक्रम चन्द विप्लव नेतृत्वको नेपाल कम्युनिष्ट पार्टीको भातृ संगठन राष्ट्रिय युवा जनस्वंयसेवकको तेस्रो राष्ट्रिय सम्मेलनमा सहभागी हुन आएका नेता कार्यकर्तालाई प्रहरीले पक्राउ गरेको छ ।
मोरङको विभिन्न स्थानबाट पार्टीका दुई केन्द्रीय नेतासहित ३५ भन्दा बढी नेता कार्यकर्तालाई प्रहरीले पक्राउ गरेको हो ।
पार्टीका केन्द्रीय नेताहरु हेमन्तप्रकाश वली र पूर्वराज्यमन्त्री पदम राईसहित ३५ भन्दा बढी नेता तथा कार्यकर्ता नियन्त्रणमा परेका छन् ।
प्रहरीले सोधपुछ गर्न छ भनी कार्यक्रमस्थलबाट एउटा गाडी र तीन दर्जन वढी कार्याकर्तालाई नियन्त्रणमा लिएको सो पार्टीका मोरङ सेक्रेटरी युगेनले जानकारी दिए ।
विराटनगरबाट नियन्त्रणमा लिएकाहरुलाई जिल्ला प्रहरी कार्यालयकामा राखिएको छ भने अन्य स्थानबाट नियन्त्रणमा दिएकालाई सम्बन्धित प्रहरी कार्यालयमा राखिएको छ ।
प्रहरीले भने कार्यक्रममा सहभागी हुने आएकालाई सोधपुछका लागि मात्र नियन्त्रण्मा लिएको र सोधपुछ पछि छाडिने जनाएको छ । नेता कार्यकता पक्राउ परेपछि कार्यक्रम विथोलिएको छ ।
प्रतिक्रिया