पाँच राजनीतिक दलबाट उम्मेदवार सिफारिश

पाँच राजनीतिक दलले प्रतिनिधिसभा सदस्य निर्वाचनको समानुपातिक निर्वाचन प्रणालीतर्फका उम्मेदवारको नाम सिफारिश गरी निर्वाचन आयोगमा पेश गरेका छन् ।  आयोगले समावेशी समूहको प्रतिनिधित्व हुने गरी अन्तिम बन्दसूचीको समावेशी समूहको प्राथमिकता क्रमका आधारमा उम्मेदवार छनोट गरी निर्वाचित हुने उम्मेदवारको नाम सिफारिश गर्न तीन दिन दिएको थियो । गत मंसिर १० र २१ गते दुई चरणमा सम्पन्न निर्वाचनमा पाँच राजनीतिक दलले राष्ट्रिय दलको मान्यता पाएका थिए ।

Advertisement

माघ २६ गते बसेको आयोग बैठकले प्रतिनिधिसभा सदस्य निर्वाचन ऐन, २०७४ को दफा ६० उपदफा (५) बमोजिम केन्द्रीय कार्यकारिणी समिति वा सोसरहको समितिबाट निर्णय गरी तीन दिनभित्र अर्थात् आज साँझ ५ बजे (कार्यालय समय) भित्र नामावली आयोगमा पेश गर्न आग्रह गरेको थियो ।

पेश गरिएको नामावलीलाई आयोगले समावेशी समूह र क्रमअनुसार मिले÷नमिलेको जाँच गरी नमिलेका राजनीतिक दललाई सच्याएर ल्याउन पुनः दुई दिनको समय दिनुपर्ने कानूनी व्यवस्था भएको आयोगका प्रवक्ता नवराज ढकालले जानकारी दिए । रासस

सम्बन्धित सामाग्री

दूधमा आत्मनिर्भर काभ्रे : ७० प्रतिशत आपूर्ति अन्यत्र जिल्लामा

मुगु केन्द्रविन्दु भएर दोस्रो दिन पनि भूकम्प

मुगुको कोटडाँडा आसपास केन्द्रविन्दु भएर भूकम्प

आज र भोलि विभिन्न १२ जिल्लामा भारी वर्षा हुने सम्भावना

अमेरिका र चीनबीच व्यापारसम्बन्धी सम्झौतामा हस्ताक्षर

कर नीतिविरुद्ध सुनचाँदी व्यवसायीहरूद्वारा चरणबद्ध आन्दोलनको घोषणा