ऐश्वर्या माथि गरिएको सबैभन्दा ‘फोहोरी’ कमेन्ट, जसले उनलाई आज पनि बिझाउँछ
बलिउडकी चर्चित नायिका एवंम बच्चन परिवारकी बुहारी ऐश्वर्या रायको बारेमा कसैले यति भद्धा कमेण्ट गर्यो कि उनी त्यसलाई कहिले बिर्सन सक्दिनन् । उनले एक भारतीय संचारमाध्यमसँगको अन्तर्वार्तामा कसैले उनलाई गरेको कमेण्टले उनलाई अहिलेसम्म बिझाउने बताइन् ।
अन्तर्वार्तामा जब उनलाई जीवनको सबैभन्दा फोहोरी वा भद्दा कमेन्ट कुन हो भन्ने प्रश्न सोधियो तब उनले जवाफ दिइन्, ‘नक्कली वा प्लास्टिक’ । ऐश्वर्याले त्यसबाहेक केही पनि भनिनन् न नै यसो भन्ने व्यक्तिको नाम नै लिइन् । तर जब ऐश्वर्याको बयान सार्वजनिक भयो तब मानिसहरुले ती व्यक्तिबारे अनुमान गर्न बेर नै लगाएनन् । करिब दुई वर्षअघि ऐश्वर्या रायलाई कफी विद करण कार्यक्रममा इमरान हासमीले ‘प्लास्टिक’ भनेका थिए ।
उक्त कार्यक्रमको र्यापिड फायरको क्रममा जब इमरान हाशमीलाई ऐश्वर्या रायबारे प्रश्न सोधियो तब उनले उनलाई प्लास्टिक (नक्कली) बताएका थिए ।
इमरानको उक्त कमेन्टपछि ऐश्वर्याले कहिले पनि उनीसँग काम नगर्ने कसम नै खाएको बताइन्छ । स्रोतका अनुसार जब ‘बादशाहो’ ऐश्वर्यालाई अफर भयो तब उक्त फिल्ममा इमरान भएका कारण फिल्म अस्विकार गरेकी थिइन् ।
हुन त यसबारे इमरान हाशमीले स्पष्टिकरण पनि दिइसकेका छन् । उनले एक अन्तर्वार्तामा भनेका थिए, ‘र्यापिड फायरमा जुन प्रश्न सोधिएको थियो हाँसो ठट्टामा प्लाष्टिक भनेँ, त्यो पनि उपहार जित्ने लोभमा ।’
इमरानका अनुसार उनी ऐश्वर्याका निकै ठूला प्रशंसक हुन् र यदि ऐश्वर्यालाई भेटेमा उनीसँग निश्चित रुपमा माफी माग्नेछन् । उनले बादशाहोमा ऐश्वर्यालाई अफर गरिएको र आफ्ना कारण उनले फिल्म अस्विकार गरेका बारे भने केही पनि जानकारी नभएको बताए । एजेन्सी
प्रतिक्रिया