पाँचौं टाइगर कप भलिबल च्याम्पियनसिपको प्रत्यक्ष प्रशारण एक्सन स्पोर्ट्स एचडी १ मा

Advertisement

टाइगर ग्रुपले आयोजना गर्दै आएको पाँचौं टाइगर कप पुरुष तथा महिला भलिबल च्याम्पियनसिप माघ २५ देखि फागुन १ गतेसम्म पोखरा रंगशालामा हुनेछ। प्रतियोगिताको प्रत्यक्ष प्रशारण एक्सन स्पोर्ट्स एचडी १ टेलिभिजनबाट हुने भएको छ। डिशहोमका ग्राहक तथा डिशहोम गो एप प्रयोगकर्ताहरूले पनि यसलाई प्रत्यक्ष हेर्न सक्नेछन्।

यस संस्करणमा पुरुष र महिला दुवै विधामा एक–एक अन्तर्राष्ट्रिय टोलीले सहभागिता जनाउनेछन्। पुरुषतर्फ भारतको सुनिल भलिबल क्लब, र महिलातर्फ थाइल्याण्डको ट्राभल इन्क्वायरी युनाइटेड प्यासन भलिबल क्लबले प्रतिस्पर्धा गर्नेछन्।

प्रत्येक विधामा ६ गरी कुल १२ टोलीले पाँचौं संस्करणमा भाग लिने छन् ।पुरुषतर्फ हेल्प नेपाल स्पोट्र्स क्लब, गण्डकी प्रदेश भलिबल संघ, सुनिल भलिबल क्लब (अमिन, भारत), नेपाल पुलिस क्लब, त्रिभुवन आर्मी क्लब र एपीएफ क्लबले प्रतिस्पर्धा गर्नेछन् ।
महिलातर्फ एपीएफ क्लब, न्यू डायमण्ड स्पोट्र्स क्लब, त्रिभुवन आर्मी क्लब, नेपाल पुलिस क्लब, आयोजक टाइगर ग्रुप र थाइल्याण्डको ट्राभल इन्क्वायरी युनाइटेड प्यासन भलिबल क्लब रहेका छन् ।
सन् २०२० मा टाईगर ग्रुप स्थापना भएदेखि पोखरा रंगशालामा आयोजना हुँदै आएको प्रतियोगिताका मा यस संस्करणमा विजेताले रु ५ लाख ८५ हजार ५५५, उपविजेताले रु २ लाख ८५ हजार ५५५ र तेस्रो हुने टोलीले रु एक लाख ८५ हजार ५५५ प्राप्त गर्नेछन् ।
प्रतियोगिताको एमभीपीलाई २५ हजार ७७७ रुपैयाँ पुरस्कार दिइनेछ । उत्कृष्ट सर्भर, सेटर, लिबेरो, स्पाइकर र प्रशिक्षक लगायत व्यक्तिगत विधामा उत्कृष्ट खेलाडीले जनही १०,५५५ रुपैयाँ पुरस्कार प्रदान गरिनेछ ।

सम्बन्धित सामाग्री

आज यी स्थानमा मेघगर्जनसहित वर्षा

प्लास्टिकको झोलामा प्रतिबन्ध लगाउँदै टीकापुर नगरपालिका

उद्यमी प्रोत्साहन गर्न कर्णालीमा प्रादेशिक औद्योगिक प्रदर्शनी

सित्तलेस्वाँराबाट जहाज चढ्ने लमजुङवासीको सपना अधुरै

थारु समुदायको भान्सामा हराउँदै ‘फुटकी च्याउ’ को स्वाद

यस्तो छ आजका लागि विदेशी मुद्राको विनिमय दर