साढे २२ करोड रुपैयाँको आइपिओ जारी गर्दै नेपाल माइक्रो इन्स्योरेन्स

Advertisement

नेपाल माइक्रो इन्स्योरेन्स लिमिटेडले माघ ८ गतेदेखि प्राथमिक शेयर (आईपीओ) निष्काशन गर्ने भएको छ। कम्पनीले वैदेशिक रोजगारीमा रहेका नेपाली नागरिकलाई लक्षित गरी यो आईपीओ जारी गर्न लागेको हो।

कम्पनीले आफ्नो जारी पूँजी ७५ करोड रुपैयाँको ३० प्रतिशत अर्थात् २२ करोड ५० लाख रुपैयाँ बराबरको २२ लाख ५० हजार कित्ता शेयर निष्काशन गर्ने अनुमति पाएको छ।

यसमा वैदेशिक रोजगारीमा रहेका नेपालीका लागि १० प्रतिशत अर्थात् २ लाख २५ हजार कित्ता शेयर छुट्याइएको छ। कम्पनीले आफ्ना कर्मचारीका लागि ३ प्रतिशत (६७ हजार ५०० कित्ता) र सामूहिक लगानी कोषका लागि ५ प्रतिशत (१ लाख १२ हजार ५०० कित्ता) शेयर छुट्याएको छ। बाँकी १८ लाख ४५ हजार कित्ता शेयर सर्वसाधारणका लागि खुला गरिनेछ।

आईपीओमा न्यूनतम १० कित्ता र अधिकतम १ लाख कित्ता शेयरका लागि आवेदन दिन सकिनेछ। वैदेशिक रोजगारीमा रहेका नेपालीले माघ २२ गतेसम्म आवेदन दिन सक्नेछन्। आवेदनका लागि मेरो शेयर प्रणालीमार्फत सि–आस्बा सेवा प्रयोग गर्न सकिनेछ।
कम्पनीको आईपीओ बिक्री प्रबन्धक एनआईएमबि एस क्यापिटल लिमिटेड रहेको छ।

Advertisement

कम्पनीको क्रेडिट रेटिङ्ग केयर रेटिङ्ग नेपालले गरेको छ। यसले कम्पनीलाई केयर एनपी डबल बी माइनस रेटिङ्ग प्रदान गरेको छ, जसले दायित्व बहन गर्ने क्षमतामा मध्यम जोखिम रहेको संकेत गर्दछ।

सम्बन्धित सामाग्री

मिरजको घोषणा: ‘मुख्य माग पूरा नभएसम्म निर्वाचनमा भाग लिँदैनौं’

नयाँ भाँडा खरिदसहित पूजा गरेर धनतेरस पर्व मनाइँदै

यसपालि छ दिनको यमपञ्चक

स्वच्छ र निष्पक्ष रूपमा निर्वाचन हुन्छ भन्ने विश्वास दिलाउन लागौँः राष्ट्रपति पौडेल

नगर विकास कोषको रकम प्रतिफल दिने क्षेत्रमा लगानी गरौँः मन्त्री घिसिङ

पदयात्रीको ‘रिफ्रेस सेन्टर’