भारतद्वारा कास्की जिल्लामा तीन शैक्षिक संस्थाको निर्माण, मन्त्री र डिसिएमले गरे उद्घाटन

कास्की जिल्लामा भारत सरकारको सहयोगमा निर्माण भएका तीन वटा शैक्षिक संस्थाको औपचारिक उद्घाटन भएको छ ।

शनिवार एक समारोबीच संस्कृति, पर्यटन तथा नागरिक उड्डयन मन्त्री रबिन्द्र अधिकारी र भारतीय दूतावासका मिशन उप९प्रमुख डा. अजय कुमारले औपचारिक उद्घाटन गरेका हुन् ।

लेखनाथ नगरपालिकास्थित श्री सरस्वती टिका उच्च माध्यमिक विद्यालयको मन्त्री श्री रबिन्द्र अधिकारी, श्री लक्ष्मी आदर्श महुमुखी क्याम्पस र श्री गुप्तेश्वर महादेव महुमुखी क्याम्पसको डा. अजय कुमारले उद्घाटन गरे ।

श्री सरस्वती टिका उच्च माध्यमिक विद्यालय ३७.१० मिलियन नेपाली रुपैँया बराबरको भारतीय सहयोगमा निर्माण गरिएको हो । राष्ट्रिय परिक्षा बोर्डसँग आबद्ध उक्त विद्यालयले प्लस टु तहका विभिन्न कार्यक्रम प्रदान गर्दै आएको छ । कास्की जिल्लाको प्रतिष्ठित उक्त विद्यालयले त्यहाँ अध्ययनरत विद्यार्थीहरुलाई गुणस्तरीय शिक्षा प्रदान गर्दै आएको छ । सो विद्यालयमा अध्ययनरत झण्डै १ हजार १ सय विद्यार्थीमध्ये ४५ प्रतिशत छात्रा छन् ।

नेरु ४८.४० मिलियन भारतीय सहयोगमा श्री लक्ष्मी आदर्श बहुमुखी क्याम्पसको निर्माण भएको हो । त्रिभुवन विश्वविद्यालयसँग आबद्ध रहेको उक्त क्याम्पसले शिक्षा संकायमा स्नातक तहसम्म चार वर्षे पूर्णकालिन कार्यक्रम एवं प्लस टु तहमा व्यवस्थापन, शिक्षा र मानविकी संकायमा पनि सेवा प्रदान गर्दछ । यस क्याम्पसमा ४ सय ५० भन्दा बढी विद्यार्थी अध्ययनरत छन् जसमध्ये ८५ प्रतिशत छात्रा रहेका छन् ।

नेरु ४१.१० मिलियन बराबरको भारतीय सहयोगमा श्री गुप्तेश्वर महादेव बहुमुखी क्याम्पसको निर्माण भएको हो । यो त्रिभुवन विश्वविद्यालयसँग आबद्ध रहेका एक गैरनाफामूलक प्राज्ञिक संस्था हो जसले बि।एड।, बिबिएस र एमबिएस संकायमा सेवा प्रदान गर्दछ । सन् २०१८ को शैक्षिक सत्रदेखि यस क्याम्पसले बिएचएम र बिआईएम संकायमा पनि अध्यापन शुरु गरेको छ । यस क्याम्पसमा ४ सय १८ जना विद्यार्थी अध्ययनरत छन् जसमध्ये ८० प्रतिशत छात्रा रहेका छन् ।

नवनिर्मित संरचनाहरु (सभा हल, कम्प्युटर ल्याब, पुस्तकालय, आदि)ले विद्यार्थीका लागि अध्ययन गर्ने वातावरणलाई थप उर्जाशील बनाउनुका साथै कास्की, स्याङजा, पर्वत, म्याग्दी र तनहुँ जिल्लाका थुप्रै विद्यार्थीका लागि शिक्षाको पहुँच पनि सुनिश्चित गर्नेछ ।

उदघाटन समारोहलाई संबोधन गर्दै संस्कृति, पर्यटन तथा नागरिक उड्डयन मन्त्री रवीन्द्र अधिकारीले भारत सरकारबाट विद्यालय भवन निर्माणका लागि प्राप्त सहयोगले विद्यार्थीको भविष्य निर्माणमा महत्वपूर्ण बन्ने विश्वास व्यक्त गरे ।

भारतीय दूतावासका मिशन उप९प्रमुख डा. अजय कुमारले भारत सरकारले नेपालको शिक्षालगायत विभिन्न क्षेत्रमा निरन्तर सहयोग गर्दै आएको र आगामी दिनमा पनि यस्ता सहयोगले निरन्तरता पाउने बताए । विद्यालयको भवन निर्माणसँगै बालबालिकाको भविष्य निर्माण समेत भइरहेकोमा उनको जोड छ ।

सम्बन्धित सामाग्री

यस्तो पो प्रशासक..

नेपाल इन्स्योरेन्सको हकप्रद शेयरमा आवेदन खुल्यो

आज यी चार प्रदेशमा भारी वर्षाको सम्भावना

कम्पनी रजिष्ट्रार कार्यालयका ३१ कर्मचारीको सरुवा

आजका लागि विदेशी मुद्राको विनिमय दर

आज ४३औँ बिपी स्मृति दिवस मनाइँदै