नेपालमा अहिलेको मुख्य दुस्मन राजतन्त्र होइन : अध्यक्ष प्रचण्ड

नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ ले अहिले नेपालको मुख्य दुस्मन राजतन्त्र नभएको बताएका छन् । शनिबार काठमाडौँमा आयोजित एक कार्यक्रमलाई सम्बोधन गर्दै उनले यस्तो बताएका हुन् ।

उनले उठ्न जमर्को गरे पनि नेपालमा सामन्ती निरङ्कुशतन्त्र र राजतन्त्र मुख्य दुस्मन नभएको बताए । उनले नेपालमा अहिले दलाल पुँजीपतिहरू, बिचौलियाहरू,ले नेपाल राज्यलाई विध्वंस बनाइरहेको बताए । नेपालको अर्थतन्त्रलाई, नेपालको विकास प्रक्रियालाई केही मुठीभर दलालहरूले आफ्नो कब्जामा लिएको उल्लेख गरे । आजको विकास र समृद्धिको यात्रामा नोकरशाही पुँजीवाद नै मुख्य वाधक भएको जिकिर गरे ।

अध्यक्ष प्रचण्डले भने, ‘नेपालमा अहिले दलाल पुँजीपतिहरू, बिचौलियाहरू, केही थोरैले नेपाल राज्यलाई विध्वंस पार्दैछन् । नेपालको अर्थतन्त्रलाई, नेपालको विकास प्रक्रियालाई केही मुठीभर दलालहरूले आफ्नो कब्जामा लिएका छन् । आजको विकास र समृद्धिको यात्रामा नोकरशाही पुँजीवाद नै मुख्य वाधक भएको छ । आजभोलि साँच्चै दयनीय स्थिति छ ।’

उनले थप भने, ‘विधायिकातिर हेर्दा पनि लाजमर्दो स्थिति छ । सङ्घीय निजामती विधेयकमा के भयो छेडखानी ? सबै सांसदहरू अपमानित हुने गरी चलखेल र छेडखानी कसले गर्‍यो ? अदालत, व्युरोकेसी, भ्रष्टाचार सर्वत्र छ । यसका विरुद्ध हामी लड्नुपर्छ । अहिले नेपालमा सामन्ती निरङ्कुशतन्त्र र राजतन्त्र मुख्य दुस्मन छैन नेपालमा । उठ्न जमर्को गरे पनि त्यो उठ्ने वाला पनि होइन ।’

सम्बन्धित सामाग्री

बाँस प्रवर्द्धनमा जुटेका नगर प्रमुख सात बुँदे माग राख्दै सत्याग्रहमा

सुविधाबाट वञ्चित छन् अल्पसङ्ख्यक सुनाहा समुदाय

पानीमा भेटियो दिसामा पाइने कीटाणु, पाँच उद्योगमा तालाबन्दी

देशभर ७८.८४ प्रतिशत भूभागमा धान रोपाइँ

मूल सडक मै गाडी गुडाउनै कठिन

यस्तो छ आजको विदेशी मुद्राको विनिमय दर