गार्डियन माइक्रो लाइफको आईपीओ बिक्री खुला
गार्डियन माइक्रो लाइफ इन्स्योरेन्स लिमिटेडले आफ्नो प्रारम्भिक सार्वजनिक निष्कासन (आईपीओ) वैदेशिक रोजगारमा रहेका नेपाली श्रमिकका लागि आजदेखि बिक्री खुला गरेको छ।
कम्पनीले आफ्नो जारी पूँजी ७५ करोड रुपैयाँको ३० प्रतिशतले हुन आउने २२ करोड ५० लाख रुपैयाँ बराबरको २२ लाख ५० हजार कित्ता शेयर निष्कासन गर्ने अनुमति पाएको छ। पहिलो चरणमा १० प्रतिशत अर्थात् २ करोड २५ लाख रुपैयाँ बराबरको १ लाख २५ हजार कित्ता शेयर वैदेशिक रोजगारमा रहेका नेपाली श्रमिकहरूका लागि छुट्याइएको छ।
शेयरको मूल्य १०० रुपैयाँ अंकित दरमा रहेको छ। आवेदन दिन न्यूनतम १० कित्ता र अधिकतम १ लाख कित्तासम्म माग गर्न सकिनेछ। आवेदन पुस ३ गतेसम्म खुला हुनेछ।
यदि यो अवधिमा छुट्याइएको सबै शेयर बिक्री नभएमा बाँकी शेयर सर्वसाधारणका लागि खुला गरिने कम्पनीले जनाएको छ।
आईपीओको बिक्री प्रबन्धक कुमारी क्यापिटल लिमिटेड रहेको छ। वैदेशिक श्रमिकहरूले नेपाल धितोपत्र बोर्डबाट स्वीकृति प्राप्त आस्बा सदस्य बैंक तथा वित्तीय संस्थामार्फत वा ‘मेरो शेयर’ अनलाइन प्लेटफर्म प्रयोग गरी सी-आस्बा प्रणालीमार्फत आवेदन दिन सक्नेछन्।
सम्बन्धित सामाग्री
सम्पर्क
बागबजार,काठमाडौंफोन: ०१-५३४५३०४
ईमेल: samayapost@gmail.com
विज्ञापनको लागि: ९८४९०६५१२६, ९८५११२८४७०
सूचना विभाग दर्ता नंं: १९९/७३-७४
प्रतिक्रिया