मंसीर ११ र १२ गते माओवादी केन्द्रको पोलिट्ब्यूरोको बैठक बस्दै
समयपोष्ट
२०७३ मंसिर ६ गते ६:१३
यही मंसिर ११ र १२ गते नेकपा माओवादी केन्द्रको पोलिटव्यूरो बैठक बस्ने भएको छ ।
सोमबार लाजिम्पाटमा सम्पन्न माओवादी केन्द्रको बैठकमा पोलिटव्यूरो बैठक बोलाउने निर्णय भएको हो ।
आज सम्पन्न बैठकमा संविधान संशोधन र पार्टीको संगठनात्मक विषयमा छलफल भएको प्रवक्ता पम्फा भुसालले जानकारी दिइन् । प्रवक्ता भुसालका अनुसार संविधान संशोधन र पार्टीको आन्तरिक संगठनबारे निर्णय गर्न मंसीर ११ गते पोलिट्ब्यूरोको बैठक बोलाइएको हो ।
बैठकले आज साँझ बस्ने प्रमूख तीन दलका शीर्ष नेताहरुको बैठकमा संविधान संशोधनका विषयमा छलफल र आवश्यक निर्णय लिन पार्टी अध्यक्ष तथा प्रधानमन्त्री प्रचण्डलाई अधिकार समेत दिएको छ ।
प्रतिक्रिया