एटीएमबाट रकम चोरी गर्न आएका टर्कीस नागरिक पक्राउँ
टर्कीबाट विभिन्न एटीएम कार्ड लिएर नेपालमा चोरी गर्न आएका टर्कीस नागरिक विहिबार पक्राउँ परेका छन् ।
नेपाल प्रहरीको अनुसन्धान ब्यूरो सीआईबीले टर्कीका मुहारेम उजुन र सेलाह्याटन याबरलाई आज कान्तिपथस्थित प्यागोडा होटलबाट पक्राउ गरेको हो।
पर्यटक भिसामा नेपाल आएका उनीहरु शनिबार नेपाल छाड्ने तयारीमा थिए ।
प्रहरीका अनुसार उनीहरु युरोपबाट विभिन्न एटीएम कार्ड लिएर नेपाल आएका थिए ।
उनीहरुको साथबाट २६ लाख ७५ हजार रुपैयाँ बरामद भएको छ । १७ सय युरो, १६६० अमेरिकी डलरका साथै ११३ थान विभिन्न एटीएम कार्ड बरामद भएको छ ।
उनीहरुले एटीएम कार्डको पिन नम्बरहरु भने कागजको पानामा लेखेर ल्याएको पाइएको छ, जुन ८ पन्ना छ ।
उजुन र याबरले कान्तिपथस्थित नबिल बैंकको एटीएम बुथबाट रकम निकालेको पाइएको छ ।
साथै यो समूहको यसअघि एटीएमबाट रकम चोरीको आरोपमा पक्राउ परेको समूहसँग सम्वन्ध रहेको हुनसक्ने प्रहरीको आशंका छ ।
प्रतिक्रिया