बिहीबार, १९ माघ २०७९

कुन–कुन टोली नकआउट चरणमा पुगे ?

समयपोष्ट २०७९ मंसिर १३ गते ११:२३

Advertisement

विश्वकप फुटबलमा आजदेखि समूह चरणका अन्तिम खेलहरू हुँदैछन् ।

हालसम्म साबिक विजेता फ्रान्ससँगै ब्राजिल र पोर्चुगलले नकआउट चरणमा आफ्नो स्थान बनाएका छन् ।
शनिबार डेनमार्कलाई हराउँदै फ्रान्स अन्तिम १६ मा पुग्ने पहिलो टोली बनेको थियो ।

४८ घण्टापछि ब्राजिल र पोर्चुगलले पनि आ–आफ्नो खेलमा जीत हासिल गर्दै नकआउट चरणमा प्रवेश गरेको छ । अब अन्तिम चरणका खेलहरूले बाँकी १३ टोलीको टुङ्गो लगाउने छ। आयोजक कतार मात्र दुई खेलपछि प्रतियोगिताबाट बाहिरिइसकेको छ ।

त्यस्तै, समूह एफबाट क्रोएसियासँग पराजित हुँदै क्यानडा पनि प्रतियोगिताबाट बाहिरिइसकेको छ। आज पनि विश्वकपमा ४ खेलहरू हुँदैछन् । जसमा समूह ’ए’ र समूह ’बी’ का दुई÷दुई खेलहरू हुनेछन् । पहिलो दुई खेलमा समूह ’ए’ मा रहेका इक्वेडर र सेनेगल तथा नेदरल्याण्ड्स र कतारबीच प्रतिस्पर्धा हुनेछ ।

Advertisement

दुवै खेल नेपाली समयअनुसार बेलुका ८ः४५ बाट सुरु हुनेछ । दोस्रो दुई खेलमा समूह ‘बी’ मा रहेका इरान र अमेरिका तथा वेल्स र इंग्ल्यान्डबीच खेल हुँदैछ । दुवै खेल नेपाली समयअनुसार राति १२ः४५ मा हुनेछ ।

प्रतिक्रिया

सम्बन्धित सामाग्री