पुँजीबजारको समस्या समाधान गर्न अर्थमन्त्रीद्वारा चार सदस्यीय कार्यदल गठन
अर्थमन्त्री रामेश्वर खनालले पुँजीबजारमा देखिएका समस्याहरूको अध्ययन र समाधानका लागि चार सदस्यीय कार्यदल गठन गरेका छन्।
शुक्रबार मन्त्रीस्तरीय निर्णयमार्फत नेपाल धितोपत्र बोर्ड (सेबोन) का कायम मुकायम कार्यकारी निर्देशक रुपेश केसीको संयोजकत्वमा उक्त कार्यदल गठन गरिएको हो।
जेनजी आन्दोलनका कारण एक हप्ताभन्दा बढी समय बन्द रहेको सेयर बजार बिहीबार खुलेपछि १६० अंकले घटेको थियो। यो अवस्थालाई मध्यनजर गर्दै अर्थमन्त्री खनालले पुँजीबजारमा देखिएका विसङ्गति र चुनौतीहरू समाधान गर्न कार्यदल गठन गरेका हुन्।
कार्यदलमा संयोजक रुपेश केसीसहित नेपाल राष्ट्र बैंकका निर्देशक शरण अधिकारी, नेपाल स्टक एक्सचेञ्ज (नेप्से) का कायम मुकायम कार्यकारी निर्देशक निरन्जन फुयाँल र अर्थ मन्त्रालयका उपसचिव शरद निरौला रहेका छन्। उपसचिव निरौलालाई कार्यदलको सदस्य सचिवको जिम्मेवारी तोकिएको छ।
अर्थ मन्त्रालयका सहसचिव तथा प्रवक्ता टंकप्रसाद पाण्डेयका अनुसार, कार्यदललाई पुँजीबजारमा देखिएका समस्याहरूको अध्ययन गरी लगानीकर्ताको मनोबल बढाउन प्रणालीगत र प्रक्रियागत सुधारका लागि ठोस कार्ययोजना प्रस्तुत गर्ने जिम्मेवारी दिइएको छ। कार्यदलले पाँच दिनभित्र आफ्नो सुझाव र कार्यान्वयन कार्ययोजना पेश गर्नुपर्नेछ।
सम्बन्धित सामाग्री
सम्पर्क
बागबजार,काठमाडौंफोन: ०१-५३४५३०४
ईमेल: samayapost@gmail.com
विज्ञापनको लागि: ९८४९०६५१२६, ९८५११२८४७०
सूचना विभाग दर्ता नंं: १९९/७३-७४
प्रतिक्रिया