साताको अन्तिम दिन नेप्से २.९१ अंकले घट्यो
साताको अन्तिम दिन विहीबार नेप्से २.९१ अंकले घटेर १६२९.७५ अंकमा झरेको छ । १६६ कम्पनीको कारोबार भएको बजारमा ७५ करोड ७० लाख बराबरको सेयर खरिदबिक्री भएको छ ।यसदिन नेपाल लाइफ इन्स्योरेन्सकाे सबैभन्दा धेरै चार करोड ८५ लाख बराबरको सेयर किनबेच भयो ।
बिहीबार बाणिज्य बैंक र जलबिद्युत समुह परिसुचक ०.५२ र ३.५३ अंकले बढेका छन् । यसदिन होटल समुह परिसुचक ८.०२,बिकास बैक समुह परिसुचक ५.०५,वित्त समुह परिसुचक ०.४८,बिमा समुह परिसुचक ३८.१५, उत्पादनमुलक समुह परिसुचक ५९ र अन्य समुह परिसुचक ४.३४ अंकले घटेका छन् ।
विहीबारको बजारमा सिर्जना फाइनान्सको सेयरमूल्य झण्डै दश प्रतिशतले बढेको छ । सानिमामार्इ हाइड्रोकाे सेयरमूल्य आठ प्रतिशत बढीले बढेको छ । यसदिन हिमालयन डिष्टलरीको सेयरमूल्य सबैभन्दा धेरै ९ प्रतिशत बढीले घटेको छ । नेपाल ग्रामिण विकास बैंक र काबेली विकास बैंकको सेयरमूल्य ५ प्रतिशत बढीले घटेको छ ।
प्रतिक्रिया