नेप्से परिसूचक १२.९७ अंकले घट्यो
समयपोष्ट
२०७४ साउन ३१ गते ११:३४
मंगलबार नेप्से परिसूचक १२.९७ अंकले ओरालो लागेर १६२९.१६ अंकमा झरेको छ । यसदिन १६० कम्पनीको १६ लाख १५ हजार कित्ता सेयर ७८ करोड ३६ लाख रुपैयाँ बराबरमा किनबेच भएको छ । मंगलबार नेशनल हाइड्रोपावर कम्पनी लिमिटेडको सबैभन्दा बढी ४ करोड ५४ लाख रुपैयाँ बराबरको सेयर कारोबार भएको छ ।
यसदिन होटल समुहको बाहेक सबैको परिसुचक घटेका छन् । होटल समुह परिसुचक ३.२ अंकले बढेको छ भने बाणिज्य बैंक १० .८६, विकास बैंक १३.७४, जलविद्युत २४.४९, उत्पादन मुलक २८.३४, बिमा ८८.७६ ,फाइनान्स समूह ३.९६ र अन्य समुह परिसूचक ५.७९ अंकले घटेको छ ।
यसदिन महालक्ष्मी विकास बैंकको सेयरमूल्य सबैभन्दा धेरै दश प्रतिशतले बढेको छ । वल्र्ड मर्चेन्ट फाइनान्सको पनि दश प्रतिशतकै हाराहारीमा सेयरमूल्य बढेको छ । हिमालयन डिष्टलरीको सेयरमूल्य सबैभन्दा धेरै झण्डै दश प्रतिशतले घटेको छ ।
प्रतिक्रिया