नाडा अटो शोमा सुजुकी इ–भितारा प्रदर्शन, ‘पर्वोत्सव २०८२’ अन्तर्गत १ वर्ष शून्य ब्याज तथा अन्य आकर्षक योजना,१० भाग्यशाली ग्राहकलाई सुनको बहार

Advertisement

नेपालका लागि सुजुकी कारको आधिकारिक विक्रेता तथा सीजी होल्डिंग्सको अटोमोटिभ डिभिजन, सीजी मोटोकर्पले नाडा अटो शो २०८२ मा बहुप्रतीक्षित इलेक्ट्रिक एसयूभी eVitara प्रदर्शनी गरेको छ। यसका साथै, दशैं–तिहारलाई लक्षित गर्दै कम्पनीले ‘सुजुकी पर्वोत्सव अफर’ सार्वजनिक गरेको छ। यो योजनाले ग्राहकहरूलाई ६ लाख रुपैयाँसम्मको नगद छुट, १ वर्षको निःशुल्क सवारी बीमा, ६ वर्षको निःशुल्क पी.यम.एस. पार्ट्स, २ लाख रुपैयाँसम्मको एक्सचेन्ज बोनस र थप एक्सेसरिजहरू प्रदान गर्नेछ।

नाडा अटो शो अवधिभर गाडी खरिद गर्ने ग्राहकहरूले स्क्र्याच कार्डमार्फत १ लाख रुपैयाँसम्मको थप छुट प्राप्त गर्न सक्नेछन्। साथै, १० भाग्यशाली ग्राहकले एक–एक तोला सुन जित्ने अवसर पाउनेछन्। सुजुकी अल्टो र सेलेरियो गाडीहरूमा १ वर्षका लागि शून्य ब्याजदर सुविधा पनि उपलब्ध हुनेछ, जसमा केही शर्तहरू लागू हुनेछन्।

सुजुकी eVitara: नेपालमा इलेक्ट्रिक मोबिलिटीको नयाँ युग

सुजुकीले आफ्नो पहिलो मास–प्रोडक्सन इलेक्ट्रिक एसयूभी eVitara सार्वजनिक गर्दै नेपालको इलेक्ट्रिक मोबिलिटी यात्रामा नयाँ युगको सुरुवात गरेको छ। विश्वस्तरीय डिजाइन, अत्याधुनिक इलेक्ट्रिक प्रविधि र सुजुकीको विश्वासिलो डिएनएको संयोजन भएको यो गाडी नेपालको बाटो, भौगोलिक विविधता र जीवनशैलीलाई ध्यानमा राखी परिष्कृत गरिएको छ। यो गाडीले नेपाली उपभोक्तालाई सुरक्षित, भरपर्दो र भविष्यमुखी ड्राइभिङ अनुभव प्रदान गर्नेछ।

Advertisement

इलेक्ट्रिक उत्कृष्टताको लागि निर्मित

eVitara नयाँ HEARTECT–e प्लेटफर्ममा आधारित छ, जसले उत्कृष्ट प्रदर्शन, आरामदायी यात्रा र उच्च सुरक्षा सुनिश्चित गर्छ। यसमा २,७०० मि.मि. ह्वीलबेस र ५.२ मि. टर्निङ रेडियस छ। फ्ल्याट–फ्लोर डिजाइनले अधिक स्पेस र आरामदायी यात्रा प्रदान गर्छ। Emotional Versatile Cruiser अवधारणामा आधारित यो गाडीमा दमदार एसयूभी स्टाइलिङ र १८–इन्च एयरोडाइनामिक अलोय ह्वील्स समावेश छन्। स्मार्ट ३–इन–१ इलेक्ट्रिक ड्राइभ युनिट र ४९/६१ kWh ब्याट्री विकल्पले ५०० किमीभन्दा बढी रेन्ज प्रदान गर्छ। थर्मल म्यानेजमेन्ट सिस्टमले चरम तापक्रममा पनि स्थिर प्रदर्शन सुनिश्चित गर्छ।

भविष्यवादी डिजाइन र प्रिमियम अनुभव

eVitara मा डिजिटल ककपिट र प्रिमियम फ्लोटिङ कन्सोल छ। यसमा १०–वे पावर एडजस्टेबल ड्राइभर सिट, भेन्टिलेटेड फ्रन्ट सिट्स, प्यानोरामिक सनरुफ र मल्टिकोलर एम्बिएन्ट लाइटिङ समावेश छन्। १०.१ इन्च टचस्क्रिन, १०.२५ इन्च डिजिटल डिस्प्ले र Infinity by Harman साउन्ड सिस्टमले प्रिमियम अनुभव प्रदान गर्छ।

उन्नत प्रविधि र सुरक्षा

यो गाडी –३०°C देखि +६०°C सम्मको तापक्रममा परीक्षण गरिएको छ, जसले यसको विश्वसनीयता प्रमाणित गर्छ। ५०% भन्दा बढी हाई–टेन्साइल स्टिल संरचनाले बलियो बनावट सुनिश्चित गर्छ। Level 2 ADAS, ७ एयरब्याग र सबै पाङ्ग्रामा डिस्क ब्रेकले सुरक्षा प्रदान गर्छ। एडाप्टिभ ग्रिल शटरले लामो ड्राइभिङ रेन्ज सुनिश्चित गर्छ।

सुजुकीको ग्रीन मोबिलिटी भविष्य

कम्पनीका अनुसार, भारतमा उत्पादन हुने यो इलेक्ट्रिक एसयूभी विश्वका १०० भन्दा बढी देशहरूमा बिक्री गरिनेछ। सुजुकीले सन् २०३० सम्ममा ६ नयाँ इलेक्ट्रिक गाडीहरू सार्वजनिक गर्ने योजना बनाएको छ। इलेक्ट्रिक गाडीहरूका साथै, कम्पनीले विभिन्न बजारहरूको मागअनुसार हाइब्रिड र बायोफ्युल्स प्रविधिमा आधारित ग्रीन मोबिलिटी समाधानहरू प्रस्तुत गर्नेछ।

नाडा अटो शो २०८२ मा सुजुकीले प्रस्तुत गरेको eVitara र पर्वोत्सव अफरले नेपाली उपभोक्तालाई आकर्षक र भविष्यमुखी विकल्प प्रदान गरेको छ। यो गाडीले नेपालको इलेक्ट्रिक मोबिलिटी क्षेत्रमा नयाँ आयाम थप्ने अपेक्षा गरिएको छ।

सम्बन्धित सामाग्री

उत्तरपूर्वी अष्ट्रेलियाका हुलाक कार्यालयहरूमा रासायनिक चुहावटका कारण पाँच जना अस्पतालमा भर्ना

स्वास्थ्य प्रणाली ध्वस्त भएपछि गाजामा अनियन्त्रित रोग फैलिने डब्ल्यूएचओको चेतावनी

आक्रमण जारी राखे अमेरिकाले हमास विरुद्ध सैन्य कारबाही गर्ने ट्रम्पको चेतावनी

विद्युतीय सामग्रीको व्यापार घट्यो

माटोले घर लिपपोत गरी संस्कृति जोगाउन गाउँपालिकाको अनुरोध

एक हजार छ सय रोपनीमा ‘बृहत् बैरेनी जग्गा एकीकरण’