पीटीसीले किन्ने भयो पश्चिम सेती र सेती नदी-६ को बिजुली
समयपोष्ट
२०७९ भदौ १५ गते १४:२१
पश्चिम सेती र सेती–६ जलविद्युत आयोजनाबाट उत्पादन हुने बिजुली भारतको नेश्नल हाइड्रोइलेक्ट्रिक पावर कर्पोरेशन (एनएचपीसी) इन्डियाले बिक्री गर्ने भएको छ ।
एनएचपीसीले भारतकै पावर ट्रेडिङ कम्पनी (पीटीसी)सँग दुई आयोजनाबाट उत्पादित बिजुली बेच्न समझदारी गरेको छ ।
समझदारीपत्रमा मंगलबार एनएचपीसीका अध्यक्ष तथा प्रबन्ध निर्देशक एके सिंह र पीटीसीका अध्यक्ष तथा प्रबन्ध निर्देशक राजीवकुमार मिश्रले हस्ताक्षर गरेका छन् ।
लगानी बोर्डको कार्यालय काठमाडौंले ७५० मेगावाटको पश्चिम सेती र ४५० मेगावाटको सेती नदी-६ विकासको जिम्मा एनएचपीसीलाई दिएको छ। दुई आयोजनाको जडित क्षमता १२०० मेगावाट छ। जसको २१.९ प्रतिशत अर्थात २६२.८ मेगावाट नेपालले निःशुल्क पाउनेछ। बाँकी विद्युत पीटीसी इण्डियाले खरिद गर्नेछ।
प्रतिक्रिया