बुधबार, ५ कार्तिक २०७७

नेपाल टेलिकमका पाँच सेवा भए अब निशुल्क

समयपोष्ट २०७४ साउन ४ गते ५:३८

नेपाल टेलिकमले ल्याण्डलाइन टेलिफोन (पिएसटीएन)सेवाका विभिन्न पूरक सेवाहरु लिदा लाग्ने शुल्क हटाएको छ । साउन १ देखि ती सुविधा निःशुल्क रुपमा उपलब्ध गराउन थालिएको कम्पनीले जनाएको छ । 

ल्याण्डलाइन टेलिफोनमा कसैले कल गरेकोमा कलरको नम्बर देखिने सुविधा (कलर आईडी) लिनका लागि सुरुमा शुल्क लाग्दै आएकोमा अब यो निःशुल्क भएको छ । त्यसैगरी आइएसडी सेवा आफैले बन्द गर्न र खोल्न सकिने, बारम्बार डायल गर्नुपर्ने नम्बरलाई कुनै दुई अंकमा सेभ गरी सोही दुई अंक थिची नम्बर डायल गर्न सकिने र एउटामा आउने सम्पूर्ण कल अर्को नम्बरमा डाइभर्ट हुने सुविधा पनि सोही मिति देखि निःशुल्क भएको कम्पनीले जनाएको छ । 

त्यसैगरी टेलिफोन ब्यस्त हुँदा आउने कल अर्को नम्बरमा डाइभर्ट हुने, ६ पटकसम्म घण्टी बजेर पनि फोन नउठेमा अर्को नम्बरमा डाइभर्ट हुने, आवश्यक पर्ने समयमा अलार्मको रुपमा टेलिफोनमा घण्टी बजाउन वा समय सूचकको रुपमा प्रयोग गर्न सकिने वेक अप कल  र टेलिफोनमा कुरा भइरहेको बेला अर्को कल आएको थाहा पाउन प्रयोग गरिने कल वेटिङ सुविधा पनि निःशुल्क लिन सकिने कम्पनीले जनाएको छ ।  टेलिफोन सेटमा आफूले राखेको लकिङ कोड आफैले टेलिफोन सेटबाट परिवर्तन गर्दा समेत अब शुल्क नलाग्ने भएको छ । कलर आईडी सुविधा लिनका लागि दूरसञ्चार कार्यालयमा सम्पर्क गर्नुपर्छ । अन्य सुविधा भने ग्राहकले आफै नै लिन सकिने जनाइएको छ । यसका लागि कम्पनीले विभिन्न कोडको व्यवस्था गरेको यसका लागि नजिकको दूरसञ्चार कार्यालयबाट थप जानकारी लिन सकिने जनाइएको छ ।

Advertisement

 

प्रतिक्रिया

सम्बन्धित सामाग्री