माछापुच्छ्रे बैंकले १२ प्रतिशत हकप्रद जारी गर्दै
समयपोष्ट
२०७४ असार १९ गते ५:३७
माछापुच्छ्रे बैंकले १२ प्रतिशत हकप्रद सेयर जारी गर्ने भएको छ । बैंकले १०० रुपैयाँ अंकित दरमा ७९ लाख १८ हजार ४४० कित्ता हकप्रद जारी गर्ने भएको हो ।
१० कित्ता बराबर १.२ कित्ताको अनुपातमा गत जेठ १५ गतेसम्म कायम भएका सेयर धनीहरुले बैंकको हकप्रदमा आवेदन दिन सक्नेछन् ।
साउन ५ देखि जारी हुँने हकप्रदमा भदौ ७ सम्म आवेदन दिन सकिने निष्काशन तथा बिक्री प्रवन्धक एनएमबी क्यापिटलले जनाएको छ ।
लगानीकर्ताहरुले माछापुच्छ्रे बैंकका सम्पुर्ण शाखा एवं एनएमबि क्यापिटल नागपोखरीबाट सेयरमा आवेदन दिन सक्नेछन् । हकप्रद सेयर निष्काशनपछि बैंकको चुक्ता पूँजी ७ अर्ब ३९ करोड रुपैयाँ पुग्नेछ ।
प्रतिक्रिया