युनियन हाइड्रोपावरको ७ लाख ५० हजार कित्ता आईपिओमा आवेदन खुल्यो

युनियन हाइड्रोपावर कम्पनी लिमिटेडको ७ करोड ५० लाख रुपैयाँ बराबरको ७ लाख ५० हजार कित्ता साधारण सेयरमा आजबाट आवेदन खुलेको छ । कम्पनीले लमजुङ्गका मध्यनेपाल, वेसिशहर र सुन्दरबजार नगरपालिका र कास्कीको रुपा गाउँपालिकाका आयोजना प्रभावित स्थानीयबासीका लागि साधारण सेयर जारी गरेको हो ।

साधारण सेयरमा साउन १४ गते देखि छिटोमा साउन २८ र ढिलोमा भदौ १२ गतेसम्म आवेदन गर्न सकिने बिक्री प्रबन्धक लक्ष्मी क्यापिटल मार्केट्स लिमिटेडले जनाएको छ ।

साधारण सेयरमा न्युनतम ५० देखि अधिकतम ३ हजार कित्तासम्म आवेदन दिन सकिनेछ । स्थानीयले विभिन्न बैंक तथा वित्तीय संस्थाका १३ शाखा कार्यालय मार्फत आवेदन दिन सक्नेछन् ।

स्थानीयलाई आर्इ्पिओ जारी गरिसकेपछि सर्वसाधारणलाई २९ करोड १२ लाख ५५ हजार रुपैयाँ बराबरको २९ लाख १२ हजार कित्ता आईपिओ निष्कासन हुने कम्पनीले जनाएकोे छ । कम्पनीले पहिलो चरणमा स्थानीयलाई १० प्रतिशत सेयर जारी गरेर बाँडफाँड पश्चात सर्वसाधारणमा आईपिओ जारी गर्नेछ ।

कम्पनीले लमजुङ जिल्लाको करापुटार गाविसमा ३.३ मेगावाटको मिदिम खोला आयोजना निर्माण गरि संचालनमा ल्याएको छ ।

सम्बन्धित सामाग्री

तिब्बतमा ‘मेगा ड्याम’ निर्माण सुरु, भारत र बङ्गलादेशका लाखौं मानिसमा गम्भीर प्रभाव पर्न सक्ने

जलविद्युत् आयोजनालाई इप्पानको आग्रह

राहुघाटको म्याद तेस्रोपटक थपियो

कोहलपुर–सुर्खेत १३२ केभी प्रसारण लाइन विस्तारको बाटो खुल्यो

ऊर्जामन्त्री खड्काको एक वर्षः ऐन, कानुन निर्माणसहित विद्युत् विकास विस्तारमा सफलता

४३९ मेगावाटको वेतन कर्णाली जलविद्युत् आयोजनालाई विद्युत् उत्पादन अनुमति