कर फरछ्यौट आयोगका अध्यक्ष र सदस्य फरार
समयपोष्ट
२०७४ असार ८ गते ४:३६
अख्तियार दुरुपयोग अन्सन्धान आयोगले कर फरछ्यौट आयोगका अध्यक्ष र सदस्यलाई देखेमा खबर गर्न भन्दै सार्वजनिक सूचना जारी गरेको छ ।
आयोगका अध्यक्ष लुम्बध्वज महत र सदस्य उमेशप्रसाद ढकाललाई देखेमा खबर गर्न भन्दै सूचना जारी गरेको हो ।
अख्तियारद्धारा बिहीबार जारी सुचनामा उनीहरुलाई भेटे आयोगको हटलाइन १०७ मा वा प्रहरीलाई खबर गर्न आग्रह गरिएको छ ।
अख्तियारले आयोगका अध्यक्ष महत र सदस्य ढकाललाई आयोगमा उपस्थित हुन पत्र काटेको थियो । उनीहरु अख्तियारमा हाजिर भएका छैनन् ।
अख्तियारले आयोगका सदस्य सचिव एवं राजश्व अनुसन्धान विभागका प्रमुख चुडामणि शर्मालाई पक्राउ गरेर अनुसन्धान गरिरहेको छ ।
प्रतिक्रिया