एसएसबीले नेपालीलाई माथिको आदेश भन्दै भारत प्रवेश गर्न दिएन
समयपोष्ट
२०७३ फागुन ३० गते ८:१२
भारतीय सिमा सुरक्षा बलले सुनसरीका विभिन्न नाकाबाट नेपालीहरुलाई भारत प्रवेश गर्न रोक लगाएको छ । कन्चनपुरको पुनर्वासास्थित आनन्दबजारमा एसएसबिको गोली लागि गोविन्द गौतमको मृत्यु भएपछि देशव्यापी रुपमा भारतीय सिमा सुरक्षा बलको बिरोध भएको थियो । सोही घटनालाई लिएर एसएसबिले नेपालीहरुलाई भारत प्रबेश गर्न रोक लगाएको हो । स्थानीयबासीका अनुसार सुनसरी क्षेत्रको नेपाल-भारत सीमामा भारतीय सीमा सुरक्षा बल एसएसबीले कडाइ गर्दै नेपालीलाई प्रवेश गर्न दिएको छैन । एसएसबीले ‘माथिको आदेश’ भन्दै दशगजा क्षेत्रमा नेपालीलाई भारत प्रवेश गर्न नदिएको स्थानीयले बताए ।
प्रतिक्रिया