राप्ती आँखा अस्पतालमा भारतको सहयोगमा बन्ने अपरेशन थिएटर भवनको शिलान्यास
दाङको तुलसीपुर उपमहानगरपालिकास्थित राप्ती आँखा अस्पतालमा भारत सरकारको आर्थिक सहयोगमा नयाँ अपरेशन थिएटर भवन बन्ने भएको छ । आज एक कार्यक्रमकाबिच उक्त भवनको शिलान्यास भएको छ। शिलान्यास तुलसीपुर उपमहानगरपालिकाका मेयर टीकाराम खड्का र काठमाडौँस्थित भारतीय दूतावासका प्रथम सचिव वशिष्ट नन्दनले संयुक्त रूपमा गरेका हुन्। उक्त समारोहमा राजनीतिक प्रतिनिधि, सरकारी अधिकारी र समाजसेवीहरूको समेत उपस्थिति रहेको थियो।
यो परियोजना ‘नेपाल–भारत विकास सहकार्य’ अन्तर्गत भारत सरकारको आर्थिक सहयोगमा निर्माण हुन लागेको हो। नेरु ४.३३१ करोड लागतको यो परियोजनाले अपरेशन थिएटर भवनसहित अन्य सम्बद्ध सुविधाहरू समावेश गर्नेछ। यो उच्च प्रभाव सामुदायिक विकास परियोजना (HICDP) को एक हिस्सा हो र तुलसीपुर उपमहानगरपालिकामार्फत कार्यान्वयन भइरहेको छ।
कार्यक्रममा मेयर तथा राप्ती आँखा अस्पताल व्यवस्थापन समितिका अध्यक्ष टीकाराम खड्का र अन्य सरोकारवालाहरूले भारत सरकारको विकास सहयोगको प्रशंसा गरे। उनीहरूले यो पूर्वाधारले नेपालका जनतालाई गुणस्तरीय स्वास्थ्य सेवा प्रदान गर्नुका साथै लुम्बिनी प्रदेशको स्वास्थ्य क्षेत्रको विकासमा महत्त्वपूर्ण योगदान पुर्याउने विश्वास व्यक्त गरे।
भारत सरकारले सन् २००३ यता नेपालमा ५६३ भन्दा बढी HICDP परियोजनाहरू अघि बढाएको छ, जसमध्ये ४९५ वटा सम्पन्न भइसकेका छन्। लुम्बिनी प्रदेशमा मात्र ६२ वटा यस्ता परियोजना सञ्चालित छन्। साथै, भारतले नेपालका विभिन्न स्वास्थ्य र शैक्षिक संस्थाहरूलाई १००९ एम्बुलेन्स र ३०० स्कुल बस उपहारस्वरूप प्रदान गरेको छ, जसमध्ये लुम्बिनी प्रदेशमा १६४ एम्बुलेन्स र ४३ स्कुल बस छन्। दाङ जिल्लाले १९ एम्बुलेन्स र ४ स्कुल बस प्राप्त गरेको छ, जसमा राप्ती आँखा अस्पताललाई प्रदान गरिएको एउटा एम्बुलेन्स पनि समावेश छ।
भारत र नेपालबीचको यो सहकार्यले दुई देशबीचको गहिरो सम्बन्ध र सहयोगलाई झल्काउँछ। HICDP परियोजनाहरूले नेपाल सरकारको प्राथमिकता क्षेत्रमा पूर्वाधार विस्तार र जनताको जीवनस्तर सुधारमा महत्त्वपूर्ण भूमिका खेलिरहेको छ।
सम्बन्धित सामाग्री
सम्पर्क
बागबजार,काठमाडौंफोन: ०१-५३४५३०४
ईमेल: samayapost@gmail.com
विज्ञापनको लागि: ९८४९०६५१२६, ९८५११२८४७०
सूचना विभाग दर्ता नंं: १९९/७३-७४
प्रतिक्रिया