कोरोना संक्रमितको उपचारका लागि औलोका बिरामीलाई दिइने औषधिको प्रयोग गर्दै अमेरिका

अमेरिकी राष्ट्रपति डोनाल्ड ट्रम्पले संयुक्तराज्य अमेरिकाले कोरोना संक्रमित व्यक्तिको उपचारका लागि औलोका बिरामीलाई दिइने औषधिको प्रयोग गर्न पहिलो पटक अनुमति दिइएको बताउनु भएको छ ।

ट्रम्पले अमेरिकी अधिकारीहरूले कोरोनाभाइरसको उपचारका रूपमा प्रयोग गर्न एन्टिमेलेरियल क्लोरोक्वाइन र हाइड्रोक्सीक्लोरोक्विन जतिसक्दो छिटो उपलब्ध गराउन आदेश दिइएको बताउनुभयो । यी औषधि शताब्दियौंदेखि औलोको उपचारका लागि प्रयोग भइरहेको छ ।

अमेरिकी राज्य क्यालिफोर्नियामा तीन करोड ९० लाख भन्दा बढी मानिसलाई घरभित्रै बस्न आदेश दिइएको छ । अमेरिकामा यति कठोर कदम चाल्ने क्यालिफोर्निया पहिलो राज्य हो ।

सम्बन्धित सामाग्री