नागरिक समाजद्वारा विद्यालय अनुगमन

नागरिक समाजको तर्फबाट सिद्धलेक गाँउपालिकाको आधारभूत विद्यालय र माध्यमिक विद्यालयको शिक्षा क्षेत्रको सेवाप्रवाहको निगरानी गरिएको छ । पारस्पारिक जवाफदेहिता परियोजनाको पहलमा बुधबार नागरिक समाजले तीन विद्यालयमा अनुगमन गरेको हो ।

भौतिक संरचनाअन्तर्गत भवन र कक्षाकोठाको प्रयोग र सजावट अवस्थाबारे अवलोकन गरिएको थियो । त्यसैगरी विद्यालय हाताको फोहर व्यवस्थापन र सरसफाइको अवस्था र पाठ्यसामग्रीसहित पुस्तकालय र यसको प्रयोगबारे अवलोकन गरिएको थियो । विद्यार्थीको सिर्जनात्मक क्रियाकलाप प्रदर्शन गर्ने स्थान उपलब्धता र प्रयोगको अवस्था, खानेपानीको उपलब्धता कस्तो छ ? र पानीसहितको अपाङ्गमैत्री, छात्रामैत्री, सेनीटरी प्याड प्रयोग र डिस्पोजल गर्ने व्यवस्था कस्तो छ भनी अवलोकनमा अध्ययन गरिएको थियो ।

जवाफदेहिताअन्तर्गत वार्षिक कति दिन विद्यालय खुलेको, पठनपाठन भएको जम्मा दिन, वार्षिक बिदा, सरदर एक हप्तामा कति समय एउटा शिक्षकले अध्यापन गराउनुपर्ने, कक्षागत रूपमा सिकाइ उपलब्धि टाँस गरे÷नगरेको, कमजोर विद्यार्थीका लागि अतिरिक्त शिक्षण व्यवस्थाको अवस्था, पाठ्यपुस्तकको उपलब्धता, शैक्षिक कार्ययोजना निर्माण र कार्यान्वयन, गुनासो सुनुवाइको व्यवस्थालगायतका बारेमा स्थलगत अवलोकन गरी शिक्षकसँग छलफल गरिएको थियो ।
अनुगमनको अन्तमा विद्यालय सुधारको योजनाअनुसार कार्य गर्न विद्यालयका शिक्षक तथा अभिभावकलाई सुझाव दिइएको थियो ।

डेक नेपालको पारस्पारिक जवाफदेहिता परियोजनाअन्तर्गत गरिएको विद्यालय अनुगमन कार्यक्रममा गाँउपालिका अध्यक्ष प्रेमनाथ सिलवाल, उपाध्यक्ष कमला शर्मा, शिक्षा शाखा प्रमुख भुवन केसी, गाउँपालिका सल्लाहकार टङ्कनाथ तिमल्सिना र नागरिक समाजको तर्फबाट रेडियो धादिङका स्टेशन म्यानेजर राजाराम शर्मा, नारी जागरण केन्द्रकी अध्यक्ष भगवती उप्रेती, दलित सेवा सङ्घका अध्यक्ष श्याम मगराती, उपभोक्ता हित संरक्षण मञ्चका केन्द्रीय सदस्य बेदबहादुर खाँण र पिजन खबरका सम्पादक गोमा थापाको सहभागिता रहेको थियो ।

जनप्रतिनिधिसहितको नागरिक समाजको अनुगमन टोलीले सिद्धलेक गाउँपालिकाको गोल्मारानी आधारभूत विद्यालय, जलेश्वरी माध्यमिक विद्यालय र मिन्दुका माध्यमिक विद्यालयको अनुगमन गरेको हो ।

सार्वजनिक सुनुवाइ

अर्काको मुख हेर्न छाडी आफ्नो घरवरपर क्षेत्रको सरसफाइ आफैँ गर्ने बानी बसाल्न नगरवासीसँग निलकण्ठ नगरपालिकाका प्रमुख भीमप्रसाद ढुङ्गानाले आग्रह गर्नुभएको छ ।

जिल्ला प्रहरी कार्यालय धादिङले लैङ्गिक हिंसा कार्यक्रम, सामुदायिक प्रहरी साझेदारी कार्यक्रम, अपराध नियन्त्रणको अवस्था र सार्वजनिक सुनुवाइसम्बन्धी एकसाथ आयोजना गरेको कार्यक्रममा नगरवासीले नगरभित्र रहेको विभिन्न समस्याप्रति ध्यानाकर्षण गराउँदा नगरप्रमुख ढुङ्गानाले समस्या समाधानका लागि भइरहेको प्रयास माथि प्रकाश पार्दै त्यस्तो आग्रह गर्नु भएको हो । कार्यक्रमका सहभागीहरुले धादिङबेसी बीचबजारमा रहेको बसको टिकट काट्ने काउन्टरको समस्या, सार्वजनिक शौचालयको समस्या, डम्पीन साइड र बजार सरसफाइको समस्या ट्रार्फिक व्यवस्थापन , घर अगाडि निर्माण सामग्री राख्ने, पसल थाप्ने, राती अबेरसम्म होटेल खुल्ला राख्ने, फुटपात हुँदाहुदै सडकमै पैदल यात्रु हिड्ने , सुरक्षित वधशालाको अभाव प्रति नगरपालिकाको ध्यानाकर्षण गराएका थिए ।
प्रहरी उपरिक्षक राजकुमार वैधवारले जिल्ला प्रहरी कार्यालयबाट सम्पादन गरिएको क्रियाकलापबारे प्रकाश पार्नु भएको थियो । कार्यक्रममा प्रमुख जिल्ला अधिकारी भागिरथ पाण्डेले जनताको सहयोग र साझेदारीबाट प्रहरीले सम्पादन गर्दै आएको कार्य प्रभावकारी रहेको बताउनु भयो । कार्यक्रममा यातायात क्षेत्रबाट बद्री सुवेदी, उद्योग वाणिज्य संघका अध्यक्ष रुद्र बहादुर खत्री , नीलकण्ठ नगरपालिकाका उपप्रमुख मनराज भण्डारी लगायतको सहभागिता रहेको थियो ।

सम्बन्धित सामाग्री

रङ्गीबिरङ्गी फूलले सजिएको ढोरपाटन, पर्यटकले ‘गुल्जार’

आन्तरिक राजस्व कार्यालय वीरगञ्जद्वारा गत आवमा नौ अर्ब ४१ करोड राजस्व सङ्कलन

चितवनमा डेङ्गु सङ्क्रमणदर उच्च, मृत्यु कम

टेको हटाउने क्रममा गाडी ‘ब्याक’, आफ्नै घर अगाडि किचेर मृत्यु

सुनसरी–मोरङका सेउती, बूढी र खेसलिया खोलाका आसपास तथा तटीय क्षेत्रमा सतर्कता अपनाउन आग्रह

देशका विभिन्न स्थानमा भारी वर्षा मापन : कास्कीको लुम्लेमा एक सय ५१ मिलीमिटर वर्षा